АОКАда ўтказилган брифингда Давлат активларини бошқариш агентлиги бошқарма бошлиғи Шарофиддин Аҳмедов “Корпоратив бошқарув тизимини янада такомиллаштириш муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги қонунида кўзда тутилган масалалар таҳлили юзасидан маълумот берди.
Қайд этилишича, ҳозирда давлат иштирокидаги 57 та корхонанинг кузатув кенгаши таркибига 86 та (атиги 4 фоиз) мустақил аъзолар киритилган. Агентлик кейинги 3 йилда давлат иштирокидаги корхоналарнинг кузатув кенгаши таркибидаги мустақил аъзоларни камида 30 фоизга етказиши кўзда тутилган.
Энди давлат иштирокидаги корхоналарнинг кузатув кенгаши таркибидаги мустақил аъзоларни сайлашда барча акциядорлар овоз бериши мумкин бўлади.
Жорий йил 18 январдаги қонунга кўра, “Акциядорлик жамиятлари ва акциядорларнинг ҳуқуқларини ҳимоя қилиш тўғрисида”ги ва “Масъулияти чекланган ҳамда қўшимча масъулиятли жамиятлар тўғрисида”ги қонунларга ўзгартириш ва қўшимчалар киритилган. Яъни эндиликда:
- Кузатув кенгаши таркибига сайланган мустақил аъзоларнинг реестри юритилади ҳамда корхона расмий веб-сайтларида эълон қилинади;
- Мустақил аъзоликка номзодлар кузатув кенгаши томонидан танлов асосида танлаб олиниб, умумий йиғилишга киритилади.
Изоҳ (0)