Тошкент вилоятидаги дам олиш маскани 73 млрд сўмга аукционга қўйилди 

Тошкент вилояти, Бўстонлиқ туманидаги дам олиш маскани кимошди савдосига қўйилди. Маълумотлар “Э-аукцион” порталида эълон қилинган. 

Лот аукционга Ўзбекистон Миллий банки томонидан қўйилган.

Ер участкасининг умумий майдони — 31,3 гектар. Бинонинг майдони — 1 275 квадрат метр. Бинода сув ва электр таъминоти мавжуд, газ ва канализация эса йўқ.

Аукционга қўйилган дам олиш масканининг бошланғич баҳоси — 73 млрд сўм. Аризалар 10 март 09:00 га қадар қабул қилинади. Савдолар худди шу куни 10:00 да бошланади.

Лот изоҳида ёзилишича, аукцион савдолари якунланганидан кейин қолган пул маблағларини 60 кун ичида буюртмачига тўлаб бериш имкони билан шартнома имзоланади. 

Шунингдек, дам олиш маскани мебел, ошхона анжомлари ва махсус техникалар билан савдога чиқарилган.