Афғонистон ва Покистон чегарасидаги Torxам назорат-ўтказиш пунктида эрталаб “Толибон” жангчилари ва Покистон ҳарбийларининг қуролли тўқнашуви юз берди, деб хабар бермоқда ОАВ. Томонлар бир-бирини оғир ва енгил қуроллардан нишонга олган.
Daily News Нангарҳордаги маҳаллий манбаларга таяниб отишма ҳали ҳам давом этаётганини ёзди. Torxамдаги дўкон эгаси Шабир Аҳмаднинг айтишича, бугун (20 февраль) эрталабдан бери оғир ва енгил қуролларнинг ўқ овози эшитилмоқда. Кейинчалик буни тасдиқловчи видео тарқалди.
Яна бир манбага кўра, икки томон ўртасидаги қуролли тўқнашув “Толибон” жангчилари Покистон ҳарбий постларидан бирига яқинлашганидан кейин бошланган. Унинг айтишича, Torxам шаҳри жанглар хавфи туфайли ёпиб қўйилган, “Толибон” одамлардан вазият яхшиланмагунча Torxамга бормасликни сўраган.
Минтақадаги яна бир маҳаллий манбанинг исми сир қолиш шарти билан маълум қилишича, Torxамда Покистон аскарлари ва толиблар ўртасидаги жангда Абдул Самад исмли “Толибон” жангчиси ҳалок бўлган.
Torxамдаги “Толибон” расмийлари ҳали можарони тасдиқламаган бўлса-да, ҳаракатнинг Torxамдаги комиссари Муҳаммад Сиддиқ кеча тунда Покистон ҳукумати йўловчилар ҳаракатини тўхтатгани учун Torxам дарвозалари ёпилганини айтди.
Torxам назорат-ўтказиш пункти Покистон билан муҳим савдо йўлларидан бири ҳисобланади, у ерда ҳар куни савдо товарларидан ташқари минглаб одамлар чегарадан ўтиб қайтади.
Изоҳ (0)