АҚШ президенти маъмурияти Украинадан фронтдаги саъй-ҳаракатларини кучайтиришни ва қарши ҳужумга ўтишни талаб қилди. Бу ҳақда ўзининг аноним манбаларига таяниб, Politico хабар берди.
Нашр исми келтирилмаган АҚШ расмийларига иқтибос келтирган ҳолда бундай шошқалоқликнинг бир қанча сабабларини келтириб ўтди:
- Украинанинг Европада жойлашган иттифоқчи давлатларининг ёрдами келажакда чекланган бўлиши мумкин;
- қарши ҳужум яқин келажакда амалга оширилиши керак, чунки ҳозирча Украина қуролли кучлари Вашингтондан техник ёрдамни бепул олади;
- Украина жанг майдонида олдинги ютуқларини мустаҳкамлаши керак;
- Украина мудофаа ҳолати кескинлашмоқда. Россия армияси эса бунинг фонида ҳужумга фаол тайёргарлик кўришда давом этмоқда;
- АҚШ Конгрессининг Вакиллар палатасида республикачилар Украинага молиявий ва техник ёрдам тарафдорлари билан тўқнашиши мумкин.
АҚШ Давлат котиби Энтони Блинкен 15 февраль куни экспертлар иштирокида бўлиб ўтган ёпиқ Zoom анжуманида Қримнинг Украинага қайтарилиши Путин учун “қизил чизиқ” бўлишини айтди. Расмий Вашингтон эса вазиятни бундай чегарага олиб чиқмоқчи эмас. Politico АҚШ вакиллари Украина ҳарбийларимиздан кутаётган қарши ҳужумининг якуний мақсадлари ҳақида ҳам ёзган.
13 февраль куни НАТО бош котиби Йенс Столтенберг Россия аллақачон Украинада кенг кўламли ҳужум бошлаганини маълум қилганди. Унинг сўзларига кўра, агар “агрессив” мамлакат фронтда етарлича “сифат”га эга бўлмаса, бу минглаб жангга юборилган рус аскарлари сони билан қопланади.
АҚШ ўз аудиторларини Донбассга юборади. Пентагон вакиллари тўғридан-тўғри жанговар зонада аудит ўтказадиган 177 нафар аудитор ва терговчилардан бир нечтаси яқин орада Украинага келиши мумкинлигини айтган.
Изоҳ (0)