АПЛ. “Манчестер Юнайтед” ўз уйида “Лестер”ни йирик ҳисобда ютди. Рэшфорддан дубль

Футбол бўйича Англия Премьер Лигасининг 24-турида “Манчестер Юнайтед” 19 февраль, якшанба куни “Лестер”ни қабул қилди.

Учрашувнинг 25-дақиқасида Маркус Рэшфорд майдон эгаларини олдинга олиб чиқди. 56-дақиқада англиялик ҳужумчи дублни расмийлаштирди. 61-дақиқада Жейдон Санчо ҳисобни йирик кўринишга олиб келди.

Ушбу ғалаба эвазига “Манчестер Юнайтед” очколарини 49 тага етказиб олди. Эрик тен Ҳаг шогирдлари иккинчи ўриндаги “Манчестер Сити”дан уч очко ортда қолмоқда, битта захира ўйинига эга “Арсенал”дан эса 5 очколик фарқ бор.

Манкунианлар АПЛ доирасидаги кейинги ўйинини 5 март куни “Ливерпуль”га қарши ўтказади.

АПЛ

24-тур баҳси

19 февраль, якшанба

“Манчестер Юнайтед” – “Лестер” 3:0

Голлар: 1:0 – 25 Рэшфорд, 2:0 – 56 Рэшфорд, 3:0 – 61 Санчо.

“Манчестер Юнайтед”: Де Хеа, Диогу Далот, Линдельоф, Мартинес, Шоу (Уан-Биссака, 69), Забицер (Майну, 80), Фред (Мактоминей, 59), Бруну Фернандеш, Вегорст, Рэшфорд (Эланга, 69), Гарначо (Санчо, 46).

“Лестер”: Уорд, Кастан, Фас, Суттар, Кристиансен, Менди (Сумаре, 59), Мэддисон, Барнс, Дюзбери-Ҳолл (Тилеманс, 59), Ихеаначо (Варди, 75), Тете (Прат, 75).

Огоҳлантиришлар: Фас (45), Менди (48).