Футбол бўйича бўйича Франция чемпионатининг 24-турида “ПСЖ” 19 февраль, якшанба куни “Лилль”ни қабул қилди.
Учрашув аввалида парижликлар Килиан Мбаппе ва Неймарнинг голлари эвазига олдинга ўтиб олди. 24-дақиқада меҳмонлар ҳисобни қисқартирди. Иккинчи бўлимда “Лилль” футболчилари кетма-кет иккита тўп киритган ҳолда фарқни ўз фойдаси томонга ўзгартирди.
87-дақиқада Мбаппе дублни расмийлаштирган ҳолда мувозанатни тиклади. Ҳакам томонидан қўшиб берилган вақтда Месси жарима зарбасини аниқ ижро этган ҳолда “ПСЖ”га ғалаба олиб келган голга муаллиф бўлди.
Шу тариқа “ПСЖ” очколарини 57 тага етказиб олган ҳолда биринчи ўринни мустаҳкамлади. “Лилль” 41 очко билан 6-ўринда қолди.
Учрашув иккинчи бўлими дебютида Неймар болдир суяги билан товон суягини бириктирувчи бўғинидан жароҳат олди ва майдонни замбилда тарк этди. Қайд этиш керак, француз клуби 8 март куни Чемпионлар Лигаси доирасида “Бавария”га қарши ўйнайди.
Лига 1
24-тур баҳси
19 февраль, якшанба
“ПСЖ” — “Лилль” 4:3
Голлар: 1:0 – 11 Мбаппе, 2:0 – 17 Неймар, 2:1 – 24 Диаките, 2:2 – 58, пенальти Девид, 2:3 – 69 Бамба, 3:3 – 87 Мбаппе, 4:3 – 90+5 Месси.
“ПСЖ”: Доннарумма, Пембеле (Солер, 75), Рамос, Кимпембе, Мендеш (Бернат, 31), Верратти, Фабиан Руис (Данилу Перейра, 75), Витиня (Заир-Эмери, 75), Месси, Неймар (Экитик, 51), Мбаппе.
“Лилль”: Шевале, Диаките (Гудмундссон, 67), Фонте (Ёро, 14), Тиагу Жало, Кабелла (Нум, 88), Андре, Андре Гомеш, Гомес (Виржиниюс, 88), Веа, Бамба, Девид.
Огоҳлантиришлар: Диаките (45), Верратти (56), Бамба (64), Мбаппе (77), Девид (89), Андре (90).
Изоҳ (0)