APL. “Manchester Yunayted” o‘z uyida “Lester”ni yirik hisobda yutdi. Reshforddan dubl

Futbol bo‘yicha Angliya Premyer Ligasining 24-turida “Manchester Yunayted” 19-fevral, yakshanba kuni “Lester”ni qabul qildi.

Uchrashuvning 25-daqiqasida Markus Reshford maydon egalarini oldinga olib chiqdi. 56-daqiqada angliyalik hujumchi dublni rasmiylashtirdi. 61-daqiqada Jeydon Sancho hisobni yirik ko‘rinishga olib keldi.

Ushbu g‘alaba evaziga “Manchester Yunayted” ochkolarini 49 taga yetkazib oldi. Erik ten Hag shogirdlari ikkinchi o‘rindagi “Manchester Siti”dan uch ochko ortda qolmoqda, bitta zaxira o‘yiniga ega “Arsenal”dan esa 5 ochkolik farq bor.

Mankunianlar APL doirasidagi keyingi o‘yinini 5-mart kuni “Liverpul”ga qarshi o‘tkazadi.

APL

24-tur bahsi

19-fevral, yakshanba

“Manchester Yunayted” – “Lester” 3:0

Gollar: 1:0 – 25 Reshford, 2:0 – 56 Reshford, 3:0 – 61 Sancho.

“Manchester Yunayted”: De Xea, Diogu Dalot, Lindelyof, Martines, Shou (Uan-Bissaka, 69), Zabitser (Maynu, 80), Fred (Maktominey, 59), Brunu Fernandesh, Vegorst, Reshford (Elanga, 69), Garnacho (Sancho, 46).

“Lester”: Uord, Kastan, Fas, Suttar, Kristiansen, Mendi (Sumare, 59), Meddison, Barns, Dyuzberi-Holl (Tilemans, 59), Ixeanacho (Vardi, 75), Tete (Prat, 75).

Ogohlantirishlar: Fas (45), Mendi (48).