Ўзбекистонда 18—40 ёшли 12,6 миллион нафар аҳоли профилактик кўрикдан ўтказилади. Бу ҳақда Соғлиқни сақлаш вазирлиги ахборот хизмати хабар берди.
Қайд этилишича, туғуруқ комплексларини таъмирлаш, уларни зарур ускуналар билан жиҳозлаш ва туғуруқ ўринлари сонини мавжуд 11 мингтадан 15 мингтага ёки 35 фоизга ошириш кўзда тутилган. 46 та туманлараро перинатал марказларини жиҳозлашга 5,2 миллион доллар маблағ йўналтирилади.
Шунингдек, 2023 йилда болаларнинг ҳам ақлий, ҳам жисмоний, рационал ва соғлом ривожланиши, аёлларда камқонлик ва туғма нуқсонларнинг олдини олиш мақсадида болаларни ҳамда ўсмир қиз ва ҳомиладор аёлларни витамин ва дори воситалари билан бепул таъминлашга 145 миллиард сўм йўналтирилади.
40 ёш ва ундан катта ёшдаги сурункали касаллиги бўлмаган 6,3 миллион нафар аҳоли юрак-қон томир касаллиги ва қандли диабет бўйича скрининг текширувлари билан қамраб олинади. 9 миллион нафар мактабгача таълим муассасалари тарбияланувчилари ва ўрта мактаб ўқувчилари тиббий кўрикдан ўтказилади.
Изоҳ (0)