Тошкент шаҳри Сергели туманида 18 февраль куни йўловчи автобуси ва Lacetti тўқнашиб кетди. Бу ҳақда ЙҲХБ ахборот хизмати хабар берди.
Маълум қилинишича, соат 06:45 да MAN русумли автобус ҳамда Lacetti автомашиналари иштирокида йўл-транспорт ҳодисаси содир бўлган. Ҳодиса оқибатида 3 киши тан жароҳати олган.
“Ҳолат юзасидан Тошкент шаҳар Ички ишлар бош бошқармаси Йўл ҳаракати хизмати бошқармаси масъул ходимлари томонидан суриштирув ҳаракатлари олиб борилмоқда”, дейилади хабарда.
Изоҳ (0)