Андижон вилоятида сифатсиз озиқ-овқат маҳсулотлари истеъмолининг олди олинди, деб хабар беради Мажбурий ижро бюроси Андижон вилояти бошқармаси.
Қайд этилишича, фуқаро Н.А. “Дўстлик” чегара пости кириш йўлаги орқали Қирғизистондан умумий қиймати 1 564 000 сўмлик 390 дона “Spriti df Cоcа-cоlа”, 2280 дона “Маmp.М” номли, 3240 дона хитой ёзувли конфетларни, фуқаро Р.Д. 26 766 000 сўмлик 7290 дона “Orbit” номли сақичларни, фуқаро Н.И. 70 қути “Big blast” номли қандли аромат сақичларни ноқонуний олиб ўтаётгани аниқланган. Суднинг тегишли қарорларига асосан улар маъмурий жавобгарликка тортилган. Шунингдек, маҳсулотларнинг йўқ қилиниши белгиланган.
Бундан ташқари, 100 килограмм “Panko” номли нон сухариклари, 242 дона қабартма, 30 килограмм Хитой ёнғоқлари, 15 дона алкоголь ва 30 қути тамаки ҳамда қарийб 2 000 килограмм байрам маҳсулотлари ҳам йўқ қилиниши суд ҳужжатларида кўрсатиб ўтилган.
Суд ҳужжатларининг ижросини таъминлаш мақсадида бюронинг Хўжаобод туман бўлими томонидан юқорида номлари келтирилган ноқонуний олиб ўтилган маҳсулотлар тегишли тартибда йўқ қилиниб, истеъмолчилар саломатлигига зиён етказиши олди олинган.
Изоҳ (0)