O‘zbekistonda 18—40 yoshli 12,6 million nafar aholi profilaktik ko‘rikdan o‘tkaziladi. Bu haqda Sog‘liqni saqlash vazirligi axborot xizmati xabar berdi.
Qayd etilishicha, tug‘uruq komplekslarini ta’mirlash, ularni zarur uskunalar bilan jihozlash va tug‘uruq o‘rinlari sonini mavjud 11 mingtadan 15 mingtaga yoki 35 foizga oshirish ko‘zda tutilgan. 46 ta tumanlararo perinatal markazlarini jihozlashga 5,2 million dollar mablag‘ yo‘naltiriladi.
Shuningdek, 2023-yilda bolalarning ham aqliy, ham jismoniy, ratsional va sog‘lom rivojlanishi, ayollarda kamqonlik va tug‘ma nuqsonlarning oldini olish maqsadida bolalarni hamda o‘smir qiz va homilador ayollarni vitamin va dori vositalari bilan bepul ta’minlashga 145 milliard so‘m yo‘naltiriladi.
40 yosh va undan katta yoshdagi surunkali kasalligi bo‘lmagan 6,3 million nafar aholi yurak-qon tomir kasalligi va qandli diabet bo‘yicha skrining tekshiruvlari bilan qamrab olinadi. 9 million nafar maktabgacha ta’lim muassasalari tarbiyalanuvchilari va o‘rta maktab o‘quvchilari tibbiy ko‘rikdan o‘tkaziladi.
Izoh (0)