Saudiya Professional Ligasi. “An-Nassr” raqibi ustidan g‘alaba qozondi. Krishtianu Ronaldudan ikkita assist

Futbol bo‘yicha Saudiya Arabistoni chempionatining 17-turida “An-Nassr” 17-fevral, juma kuni “Al-Taavun” bilan bahs olib bordi.

Uchrashuvning 17-daqiqasida Ronalduning uzatmasidan so‘ng Abdulrahmon Garib hisobni ochdi. Ikkinchi bo‘lim boshida Alvaro Medran muvozanatni tikladi. 78-daqiqada Abdulla Madu “An-Nassr”ning ikkinchi goliga mualliflik qildi. Bu safar ham golli uzatma Krishtianu Ronaldu hisobiga yozildi. Jaloliddin Masharipov esa 72-daqiqada Ayman Yahyoning o‘rniga maydonga tushdi.

Shu tariqa “An-Nassr” 2:1 hisobida g‘alaba qozondi va ochkolari sonini 40 taga yetkazib, birinchi o‘ringa ko‘tarilib oldi.

Saudiya Professional Ligasi

17-tur bahsi

17-fevral, juma

“An-Nassr” – “Al-Taavun” 2:1

Gollar: 1:0 – 17 Garib, 1:1 – 47 Medran, 2:1 – 78 Madu.

“An-Nassr”: Al-Akidi, Al-Ganam (Al-Avjami, 84), Madu, Al-Amri, Konan, Luis Gustavo, Al-Naji (Martines, 63), Al-Hassan (Al-Sulayhim, 63), Yahyo (Masharipov, 72), Ronaldu, Garib (Taliska, 72).

“Al-Taavun”: Mailson, Al-Ghamdi (Muhammad, 83), Naldo, Kadesh, Yahyo (Al-Saafi, 73), Medran, Romero, El-Mahdiui, Al-Nosir (Al-Amri, 87), Tavamba, Al-Rashidi (Al-Nabit, 46).

Ogohlantirish: Martines (90).