Олимлар чўккан “Титаник” кемасининг аввал эълон қилинмаган кадрларини намойиш қилди. Бу ҳақда The Washington Post хабар берди.
Бу кадрлар Жеймс Кемероннинг 1997 йилда суратга олинган “Титаник” фильмининг 25 йиллигига атаб эълон қилинган. Кадрлар тадқиқотчилар 1985 йил сентябрь ойида кема ҳалокатини аниқлаганидан бир неча ой ўтиб суратга олинган. Қора ва оқ тасвирлар лайнернинг олд қисмини ва унинг палубаларидан бирини кўрсатади. Тасвирда йўловчи кемасининг бошқа қисмлари ҳам акс этган.
Океанограф Роберт Балларднинг таъкидлашича, у сув остига тушганида кўрган биринчи нарса “100 фут баландликда жойлашган улкан пўлат девор”эди.
“Титаник”нинг фожиали ҳикояси
“Титаник” Британиянинг йўловчи пароходи. Қурилиш вақтида у дунёдаги энг катта лайнер эди. “Титаник” 1912 йил 14 апрелдан 15 апрелга ўтар кечаси Саутгемптондан Нью-Йоркка илк саёҳатида айсбергга урилиши оқибатида чўкиб кетган. Табиий офат оқибатида 1 500 дан ортиқ одам ҳалок бўлган.
Изоҳ (0)