Кўпчилик болалигиданоқ кўчадан келгандан кейин қўлни ювиш, тишларни яхшилаб тозалаш ва иложи борича камроқ юзга тегиш кераклигини билади. Бироқ кўпчилик бу асосий гигиена қоидаларидан ташқари яна бир қанча муҳим қоидалар борлигини билмайди.
Ёмон ҳидларга қарши курашиш учун оёқларингизни скраб билан тозаланг
Оёқларнинг ёмон ҳидига қарши курашишнинг кўплаб усуллари мавжуд. Энг мақбул, албатта, классик гигиена қоидаларига мунтазам риоя қилишдир. Кунига камида бир марта оёқларни ювиш, тирноқларни олиш, бармоқлар орасини қуритиш керак. Аммо вақти-вақти билан терини юмшоқ скраб билан тозалаш ҳам яхши самара беради, чунки нам муҳитда пайдо бўладиган бактериялар ўлик тери ҳужайралари билан ҳам озиқланади.
Доимий равишда сирғаларингизни ечиб қўйинг ва тозаланг
Сирғаларнинг ўзи ҳам гигиена учун мунтазам равишда тозаланиши керак, чунки ёг ъ, терини парвариш қилиш қолдиқлари, шампун ва бошқалар вақти-вақти билан зиракда тўпланиб қолади. Бу, масалан, шўр ёки тиббий спиртга намланган пахта ёрдамида амалга оширилиши мумкин.
Сувни тортишдан олдин ҳожатхона қопқоғини ёпинг
Ҳожатхонани, ҳатто уйда бўлса ҳам стерил жой деб аташ қийин. Аммо сувни тортишдан олдин ҳожатхона қопқоғини ёпмасдан, ҳавога жуда кўп миқдордаги микротомчиларни ва шунга мос равишда бактерияларни чиқарамиз. Бундан ташқари, бу зарралар нафақат ҳавода, балки юзаларга ҳам жойлашади.
Ювгандан кейин нарсаларни яхшилаб қуритинг
Ҳатто озгина нам кирларни ҳам ҳаво оқими минимал бўлган қоронғи жойга қўйиш осонликча моғор споралари кўринишидаги муаммони келтириб чиқариши мумкин, бу эса тезда бошқа сиртларга тарқалади. Шунинг учун таваккал қилмаслик, сабр-тоқатли бўлиш ва нарсаларни охиригача қуритиб қўйган маъқул.
Телефонингизни ҳожатхонага олиб кирманг
Смартфонлар шароит таъсирида жуда кўп миқдордаги кир ва бактерияларни тўплайди. Энг ёмони эса телефонни ҳожатхонага, айниқса жамоат жойларига олиб бориш ва у ернинг исталган юзасига қўйишдир. Бундай ҳолда қўлни ювиш патоген бактериялар билан инфекцияни олдини олишга ёрдам бермайди, чунки смартфон корпусида бирор нарса қолади.
Тирноқларингизни чўтка билан тозаланг
Гигиена нуқтаи назаридан тирноқларни олиб юриш тавсия этилади, шунда улар остида иложи борича камроқ кир ва микроблар тўпланади. Бироқ замонавий дунёда кам одам бунинг учун ажойиб узун маникюр билан хайрлашишни хоҳлайди. Бундай ҳолда ҳеч бўлмаганда, сув остида тирноқларни одатий ювиш етарли эмаслигини унутмаслик керак. Ҳар сафар қўлни ювганда чўтка олиб, тирноқлар ва уларнинг остидаги жойларни совун билан тозалаш керак.
Агар дезодорантингизни унутган бўлсангиз, дезинфекциялаш воситасидан фойдаланинг
Кафтга озгина миқдорда дезинфекциялаш воситасини қуйиб, қўлтиқ остига суртиш кифоя. Аммо бу фавқулодда усул, чунки таркибида спирт бўлган воситаларни тез-тез ишлатиш терида қичишиш хусусияти келтириб чиқариши мумкин.
Изоҳ (0)