Кўплаб машҳурлар рақсга тушиш, қўшиқ айтиш ёки актёрлик истеъдодига эга бўлиши мумкин. Аммо машҳурлар орасида ўзининг яширин истеъдоди билан томошабинларни ҳайратда қолдирганлари ҳам бор. The Voice нашри машҳурларнинг яширин истеъдодлари ҳақида маълумот берди.
.jpg)
Анжелина Жоли — пичоқ отиш
Баъзи актёрлар суратга олиш жараёнларига маҳорат билан тайёр ҳолда келади, баъзилари эса янги нарсаларни ўрганишади. Анжелина Жоли иккинчи гуруҳга тегишли машҳурлардан бири. Актриса “Лара Крофт: Daxма талончиси” жанридаги фильм устида ишлаётганда, пичоқ отиш бўйича ўз истеъдодини очиб берди, у бу ишни жуда яхши бажарди. Ҳаттоки инсайдерлар Бред Питт рафиқаси билан бирга яшаганида, ундан қўрқишини айтган.
Жастин Бибер — кубик-рубик териш
Машҳур хонанда Жастин Бибер бу жумбоқни жуда тез ечади, у кубик-рубикни икки дақиқадан камроқ вақт ичида тера олади. Албатта, хонанда кубик-рубик териш бўйича жаҳон рекорди – 3,47 сонияни янгилай олмайди, бироқ бу ҳаваскор инсон учун жуда яхши натижа.
Ҳайди Клум – йодль
Таниқли модел Ҳайди Клум узоқ вақт давомида истеъдодлар шоусининг ҳакамлар ҳайъати аъзоси бўлиб келади, аммо унинг ўзи ҳам бу шоуда иштирок этиши мумкин эди. Ҳайди сўзсиз қўшиқ айтишнинг ўзига хос услубига эга, модел овоз регистрларини тез алмаштириш — йодль услубида куйлай олади.
Эндрю Гарфилд – гимнастика
Эндрю Гарфилд “Ўргимчак одам” ролини ижро этгунга қадар узоқ йўлни босиб ўтган. Актёр болалигида гимнастика билан шуғулланган ва ҳали ҳам ушбу спорт турида жуда яхши. Гарфилднинг маҳорати “Ўргимчак одам” ролини ўйнаганида жуда қўл келди, чунки у ҳақиқатан ҳам хавфли бўлган трюк ва салтолардан ташқари кўплаб ишларни бажара олар эди.
Жина Дэвис — камондан отиш
“Битлжус”, “Телма ва Луиза” фильмлари билан танилган актриса 41 ёшида камондан отиш спорт тури билан шуғуллана бошлаган. Жина икки йиллик машғулотлардан сўнг ҳатто 2000 йилги ёзги Олимпиада ўйинларида Австралия терма жамоаси таркибига киришга ҳаракат қилди. Афсуски, у ўша пайтда рақибларини енга олмади, бироқ актриса ҳали ҳам ўзи учун камондан отиш билан шуғулланади.
Пирс Броснан — олов ютиш
Актёр Пирс Броснан экранлардаги Жеймс Бонд образидаги совуққонлиги билан мухлисларни ҳайратда қолдирди ва шунингдек, у циркда олқишларга сазовор бўлиши ҳам мумкин эди. Пирс ўсмирлик чоғида оловни ютиш трюкини бажаришни ўрганди ва ҳатто цирк труппаси билан уч йил давомида гастролларда бўлди, охир-оқибат у ўз ҳаётини кино билан боғлашга қарор қилди.
Изоҳ (0)