Жингалак қилувчи “плойка” ёки дазмол каби иситиш мосламалари ажойиб соч турмагини яратишга ёрдам беради. Аммо уларни тез-тез ишлатиш соч табиийлигига зарар етказади. Ушбу ускуналар жингалак соч турмаги учун ҳам қўл келади. Чўплар, қаламлар, шарфлар ва латталарни ҳар доим топиш мумкин. Улардан тўлқинли жингалак ва локон яратиш учун фойдаланинг. Соч учун оддий ва хавфсиз. Буни қандай қилишни бирма-бир кўрсатамиз, деб ёзади “Новий очаг” нашри.
Қўл билан жингалак қилишдан олдин, сочларингизни терининг турига мос келадиган шампун билан ювинг, балзам, кондиционер, қуруқ ёки сийрак сочлар учун эса ниқобдан фойдаланинг. Бу воситалар соч толаларини юмшоқ, ҳажмли, ёрқин ва силлиқ қилади. Сочингизни сочиқ билан артиб олинг ва мустаҳкам ушлаш учун гел ёки мусс суртинг. Сизда буларнинг ҳеч бири бўлмаса, ҳали ҳам сочларни жингалак қилиш учун имкон бор: асосийси, озгина нам(ҳўл бўлмаган) сочларда бажариш мумкин.
Ўримли жингалаклар
Унчалик узун ва қалин бўлмаган соч эгаси бўлсангиз, уларни бир оз нам ҳолда бўшаштириб ўранг ва ухланг. Эрталаб сочларингизни бўшатинг, бармоқларингиз билан тароқ каби тараб, лозим бўлса ҳосил бўлган тўлқинларни лак билан қотиринг. Сочлар узун ва қалин бўлса, уларни бир неча қисмга ажратиб олиб эҳтиёткорлик билан ўраш мумкин. Фақат ўримлар тортиб ўрилмаган бўлиши керак. 6-8 соат (масалан, тунги уйқудан кейин) барча чигалларни ечиб олинг, лекин тараманг.
Белбоғли жингалаклар
Бу услуб учун болалар душ халати белбоғидан ёки узун тор ипдан фойдаланишингиз мумкин. Нам ва тоза сочларни ўртасидан икки қисмга ажратиб олинг. Белбоғни бошда икки марта гулчамбар сингари айлантириб олинг. Икки учи пешонага чиққанда бир учи бир қисмдаги сочларни, иккинчи учига иккинчи қисм сочларини ўраб чиқинг. Сўнг сочлар очилиб кетмаслиги учун белбоғнинг икки учини боғлаб қўйинг. Белбоғни эҳтиёткорлик билан 3-5-7 соатдан кейин ечиб олишингиз мумкин.
Кечки оқшом учун тўлқинли сочлар
Тоза нам сочларни бошнинг баланд қисмига йиғинг. Жингалакларнинг керакли ўлчамига қараб, бутун узунликни қаттиқ қилиб ўранг. Яна бир йўли сочни икки-уч қисмга ажратиб, уларни ҳам айлантириб ўранг. Бир жойга ўраб йиғилган сочни шпилка билан қотиринг. 6-9 соатдан кейин сочни бўшатинг. Табиий эгри чизиқлар билан табиий юмшоқ жингалакларнинг гувоҳи бўласиз. Тўпламни қанча кўп ушласангиз, жингалаклар шунча узоқ туради.
Футболка ёрдамида жингалак
Ушбу усул учун сизга эски футболка ёки бошингиз ўлчамидаги эластик ҳалқали мато керак бўлади. Футболканинг бир учини резина тасма ёки скрипка билан маҳкамланг, ҳалқани гулчамбар каби бошнинг тепасига қўйинг. Сочингизни ўсиш йўналиши бўйича бир нечта қисмларга бўлиб, уларнинг ҳар бирини футболкага ўраб чиқинг. Ўралмаган сочларни эса шпилка ёрдамида маҳкамланг. Ўрамни 5-9 соат мобайнида ушланг (турмакни уйқудан олдин бажарган қулай). Футболкани олиб ташлаганингизда, сочлар тўлқинли бўлиб қолади!
Бувимдан қолган усул — латтали боғламлар
Олдинги фотосуратларда жингалак сочли хонимларнинг қиёфасини ёки ҳашаматли кўйлак билан фокстрот рақсга тушаётган аёлларни кўрганмисиз? Ҳали соч учун ускуналар ихтиро қилинмаганида, бизнинг бувиларимиз ўзлари учун замонавий жингалак соч турмаги қилишга муваффақ бўлишган. Бунинг учун улар оддий латтали боғламлардан фойдаланганлар. Эски футболканинг бир қисмини кесиб олинг, уларни кичик узунроқ қилиб кесиб чиқинг. Ҳар бир латтанинг ўртасига кичикроқ бир қисм сочни қўйиб учидан бошлаб сизга керак бўлган узунликкача (ёки соч илдизларигача) ўранг. Қайирма тушиб кетмаслиги учун матони икки учидан тугунлаб қўйинг. Барча сочлар учун худди шуни такрорланг. Бошингиздаги бундай тугунлар билан уй ишларини бемалол бажаришингиз, ёга қилишингиз ёки ухлашингиз мумкин. Боғламларни ечиб олганда ойнада мукаммал натижани кўрасиз.
Соч пайпоққа қандай ўралади?
Пайпоқдан “бублик” ясанг: хоҳланг учларини бир-бирига уланг, хоҳланг пайпоқ учини кесиб олинг. Бошнинг тепасига сочларни битта қилиб йиғиб олинг ва резина билан маҳкам боғланг. Сўнг “бублик” қилинган пайпоққа сочни учларидан бошлаб ўраб чиқинг. Соч ўралган “бублик”ни резинага етиб боргунга қадар айлантиринг ва резина атрофида ўранг. Шпилка ёки бошқа резина билан маҳкамлаб қўйинг.
Бармоқ ва қисқичлар ёрдам беради
Ҳаммаси жуда оддий: сочни бармоғингизга ўранг, тушиб кетмаслиги учун эҳтиёткорлик билан бармоқдан чиқазиб олган заҳоти қисқич билан маҳкамлаб қўйинг. Ушбу усулни сочнинг барчасида такрорлан: бунинг учун сизга ўнлаб соч қисқичлари ёки “невидимка” керак бўлади. Сиз бундай соч турмагида ухлашингиз учун рўмол ёки ўраб олинг. Соч қуриганида ўйноқи жингалаклар ҳосил бўлади.
Рўмолда қилинадиган жингалак
Сочни учта қисмга бўлиб олинг: бошнинг ён томонларида ва орқасида. Бош териси яқинидаги ҳар бир тола соч пастга қараб туриши учун шарф ёки рўмол боғланг. Соч ўралган рўмолни бир учи билан бир йўналишда, иккинчи қисмини шарфнинг бошқа учи билан тескари томонга буранг. Шарфнинг иккита учини ҳам бир-бирига ўранг ва резина билан маҳкамлаб қўйинг.
Қаламда қилинган жингалаклар
Сочларни бир неча қисмларга ажратинг. Қанча қисмлар кичкина бўлса, шунча кичик жингалак ҳосил бўлади. Айнан спирал жингалаклар ҳосил бўлиши учун уларни бир-бирининг устига эмас, балки кетма-кет жойлаштиришга ҳаракат қилинг. Қўлингизга қалам олинг ва унинг атрофига соч ўрашни бошланг, қаламдан толалар чиқиб кетмаслиги учун йўлнинг ўртасида қаламни 180 даража айлантиринг ва сочни ўрашда давом этинг. Бош терисидан тахминан 2-2,5 см масофада ўрашни тўхтатинг. Сочни тасма билан маҳкамланг ва 3-7 соатга қолдиринг.
Изоҳ (0)