Совутгичдаги ёқимсиз ҳиддан қутулиш ва қайта пайдо бўлмаслиги учун нима қилиш керак? Ҳидни ютувчи табиий воситалар, экспресс маҳсулотлар ва сотиб олинган ҳаво тозлагичлар — барчаси қуйида батафсил баён этилган, деб ёзади Wday нашри.
Агар музлатгич янги бўлса...
Совутгич ҳам ҳар қандай янги уй жиҳозлари каби ўзига хос ҳидга эга. Севимли таомингизнинг хушбўй ҳиди билан аралашмаслиги учун ишлатишдан олдин янги музлатгичнинг ҳидини йўқ қилиш керак.
Бунинг учун истеъмол сода ёки ҳар қандай тозалаш воситасининг илиқ сувда аралашмасидан фойдаланинг. Совутгичнинг ташқи қисмини ҳам тозалашни унутманг. Кейин барча юзаларни артиб қуритинг ва камераларни шамоллатиш учун эшикни бир неча соатга очиқ қолдиринг. Шундан сўнг музлатгични озиқ-овқат билан тўлдирса бўлади.
...ва агар эски бўлса
Барча озиқ-овқат банкалари ва идишларини маҳкам ёпсангиз ҳам, вақт ўтиши билан музлатгичнинг ҳиди унга уннаб қолмоқда. Бу ҳолда музлатгични, камера ичидаги махсус дренаж тешигини обдон тозалаш вақти келди: айнан шу жойда озиқ-овқат қолдиғи тиқилиб қолган бўлиши эҳтимолдан ҳоли эмас. Ишлаб чиқарувчилар, одатда, бу жараённи йилига бир марта такрорлашни тавсия этадилар.
Халқона усуллар ёқимсиз ҳиддан халос бўлишга ёрдам беради.
- Цирка: музлатгич деворларини цирка эритмасига намланган мато билан артиб олинг (50 га 50 нисбатда сув билан аралаштирилади).
- Истеъмол содаси: Совутгични сода эритмаси билан ювинг. Ва содани усти очиқ идишга солиб музлатгичга қўйинг ва ҳар 3 ойда бир марта ўзгартиринг. Айнан истеъмол содаси турли ҳидларни ўзлаштиришда яхши ишлайди.
- Аммиак: энг оғир ҳолатларда, масалан, музлатгич ювилганда ҳам ҳид сақланиб қолганда бу усул ёрдам беради. Совутгичнинг ички қисмини аммиак билан артиб олинг ва кун бўйи эшикни очиқ қолдиринг.
- Ёғоч ёки фаол кўмир. Бир ҳовуч кўмирни майдаланг, ликопчага қўйинг ва музлатгичда бир кунга қолдиринг.
- Лимон суви. Совутгичнинг ички қисмини тозаланг, фойда бўлмаса, озроқ лимон сувига намланган тоза мато билан артиб олинг.
Фото: Wday
Ёқимсиз ҳид пайдо бўлишининг олдини олиш
Келгусида ҳидни олдини олиш учун қуйидаги озиқ-овқат маҳсулотлари ёрдам бериши мумкин:
- Жавдар нони: оддий жигарранг нондан бир тилим кесиб олинг ва бир нечта пластинкаларга жойлаштиринг. Совутгич жавонларининг ҳар бирига биттадан қўйиб чиқинг.
- Гуруч доналари: бир қисм гуручни ликопчага сепиб, музлатгичга қўйинг.
- Тўғралган пиёз, олма ва картошка ҳам ҳидни жуда яхши ўзлаштиради. Фақат бундай табиий ҳид ютиш воситаларини бир неча кунда ўзгартириб туриш талаб этилади.
- Хушбўй ўтлар ва зираворлар: райҳон, зарчава, чиннигуллар, эстрагон, долчин, селдерейларни музлатгичда сақлаш ёқимсиз ҳид пайдо бўлишининг олдини олади. Ванил экстракти ҳам яхши ёрдам беради, лозим бўлса, жавонларни ароматик суюқликка намланган пахта билан артиб олинг.
- Apelsin, лимон: апелсин пўсти ёки лимон бўлаклари ҳавони тозалаш воситаси сифатида ишлатилиши мумкин.
- Туз, шакар: музлатгичга туз ёки шакар солинган очиқ идишни қўйиш кифоя. Тез орада ёқимсиз ҳиддан асар қолмайди.
Эслатма
Совутгичлар учун ҳидни ютиш воситалари, шунингдек, ионлаштирувчи тозалаш воситалари узоқ вақтдан бери дўконларда сотилади. Улар балиқ, саримсоқ пиёзнинг кучли ҳидларини ҳам осон ўзлаштиради, шу билан бирга музлатгичнинг ички қисмини ионлаштиради. Бундай уй жиҳозлари унчалик қиммат эмас. Шундай қилиб, лимон экстракти асосидаги спрей учун пул тўлаш ёки шунчаки лимонни кесиб, музлатгич жавонида қолдириш ўзингизга боғлиқ.
Дарвоқе
Совутгични радиатор ёки газ печкаси яқинига қўймаслик кераклигини ҳар доим ёдда сақланг. Мутахассисларнинг фикрича, бундай иссиқлик манбалари музлатгични иситади ва у совитиш учун кўпроқ энергия сарфлайди. Ва бу юқори электр тўловлари сари етаклайди. Бундан ташқари, бу ҳолат моторга қўшимча юк бўлиб, у тезроқ ишдан чиқади. Шунингдек, музлатгич эшигини ишлаб турган ҳолда ҳар сафар узоқ вақт очиқ қолдирганда юзага келадиган ҳароратнинг пасайиши камерадаги микроиқлимни бузиши мумкин.
Мавзуга доир:
Изоҳ (0)