Энергетика вазири бошчилигидаги делегация аъзоларининг Хитой Халқ Республикасига амалий ташрифи доирасида 15 февраль куни умумий қуввати 2000 МВт бўлган қуёш фотоэлектр станцияларини қуриш бўйича CEEC ENERGY CHINA компанияси билан англашув меморандуми имзоланди.
Таъкидланишича, мазкур меморандум доирасида Хитой компанияси томонидан Ўзбекистонга 2 миллиард доллар миқдорида тўғридан тўғри инвестициялар киритилади. Ушбу қуёш фотоэлектр станцияларининг илк қувватлари жорий йил якунига қадар ишга туширилиши режалаштирилган бўлиб, станциялар 2024 йилда тўлиқ қувват билан ишлай бошлайди.
Қашқадарё, Бухоро ва Самарқанд вилоятларида ишга туширилиши режалаштирилган лойиҳалар натижасида йилига 5,2 миллиард кВт/соат электр энергияси ишлаб чиқарилиб, 1,4 миллиард куб/метр табиий газ тежалишига эришилади. Томонлар ушбу йирик лойиҳаларнинг истиқболлари ва тез фурсатларда станциялар қурилиш ишларини жадал суръатларда амалга оширишга келишиб олдилар.
Изоҳ (0)