Футбол бўйича Европа Чемпионлар Лигасининг 1/8 финал дастлабки ўйинида “Милан” ўз уйида “Тоттенҳэм”ни 1:0 ҳисобида мағлубиятга учратди.
Бу миланликлар учун сўнгги ўн йил ичида Чемпионлар Лигаси плей-офф босқичида қўлга киритилган илк ғалаба бўлди. Бундан аввалги ғалаба 2013 йилнинг 13 февралида “Барселона”га қарши ўйинда қайд этилганди (2:0).
2013/14 йилги мавсумда “Милан” 1/8 финалда “Атлетико”га икки ўйинни ҳам бой берган (0:1, 1:4). Шундан кейин жамоа гуруҳ босқичидан муваффақиятли ўтолмаганди.
“Милан” Еврокубоклар тарихида илк бор “Тоттенҳэм”ни мағлуб этди. Бунга қадар икки дуранг ва икки мағлубият қайд этилганди.
Миланликлар ҳужумчиси Браим Диас 2014 йилдан бери “Милан” сафида Чемпионлар Лигаси плей-офф босқичида гол урган дастлабки футболчи бўлди. 9 йил аввал Кака 1/8 финалда тўп киритишга эришганди.
Италия клуби АПЛ жамоалари қарши ўйинларда давом этиб келаётган муваффақиятсиз сериясига якун ясади. “Милан” охирги марта ЕЧЛ—2011/12 да “Арсенал”ни мағлуб этганди (4:0). Шундан кейин миланликлар инглиз клубларига қарши бешта ўйин ўтказиб, уларнинг барчасида ютқазган ва камида иккитадан тўп ўтказиб юборган.
“Тоттенҳэм” Чемпионлар Лигаси плей-офф босқичида қаторасига тўртта ўйинни бой берди. Сўнгги бор “Арсенал” 2016 ва 2017 йил оралиғида шундай антирекорд қайд этганди. “Шпорлар” плей-оффдаги охирги тўртта ўйинда бирорта гол уролмади.
Изоҳ (0)