UFC промоушени ўз дивизионларининг янгиланган рейтингини эълон қилди.
P4P (Pound for pound) — UFC’нинг вазн тоифасидан қатъи назар энг яхши жангчилари рўйхати ҳисобланади. Рейтингга кириш учун турли омиллар ҳисобга олинади: камарлар, ҳимоялар сони, қаршилик даражаси ва иштирок сифати.
UFC 284 га қадар Алекс Волкановски биринчи ўрин, Ислом Maxачев эса иккинчи ўринда эди. Maxачев турнирда Волкановски устидан ғалаба қозонганидан сўнг ҳам етакчига айланмади. Бу эса тули муҳокамаларга сабаб бўлди. Нега UFC уни энг яхши деб топмади ва бу тизим қандай ишлайди?
P4P рейтингининг янгиланган топ-5 лиги:
- Александр Волкановски
- Ислом Maxачев
- Леон Эдвардс
- Камару Усмон
- Исраэл Адесаня.
UFCъдаги P4P рейтинги қандай тузилади?
Рейтинг махсус комиссия томонидан тузилади, унинг таркибига нуфузли нашрларнинг (ESPN, MMAJunkie, Tapology ва бошқалар) энг яхши журналистлари киради. Улар маълум бир жангчининг иштирокига қараб баҳо беради. Энг яхшилар дивизионларга бўлинади, умумий рейтингга эса 15 нафар жангчи киради.
Овоз бериш жараёни қуйидагича: UFC ҳар ҳафта 30 нафар журналистга анкетани тўлдириш учун юборади. Натижалар умумий махражга қисқартирилади ва сайтда эълон қилинади. Тарафкашликни олдини олиш учун UFC ходимлари рейтинг тузишда иштирок этмайди.
P4P рейтинги дастлаб боксда пайдо бўлган: 1925 йилда нуфузли The Ring журнали томонидан маркетинг мақсадларида тузилган йилнинг энг яхшилари рўйхати турли баҳс-мунозараларга сабаб бўлган.
Аммо бу P4P’нинг тўлиқ рейтинги бўлмаган. Яна бир уриниш 60 йилларда кузатилган. Бокс ассоциацияси ўрта вазн тоифаси вакили Шугар Рей Робинсоннинг нуфузини ифодалаш учун турли тоифадаги жангчилар рамзий рейтингини ишлаб чиққан. Бироқ одатий форматдаги P4P рейтинги 1990 йилда, айнан The Ring нашрида пайдо бўлган.
UFC P4P рейтингини 2013 йилдан эълон қила бошлаган. Дастлаб унда ўрта вазн чемпиони Андерсон Сильва етакчилик қилган. 2020 йилгача эркаклар ва аёллар учун умумий рейтинг тузилган (аёллар ўртасида Ронда Роузи етакчи эди). Шундан сўнг рўйхат жинс бўйича бўлинди: айни вақтда эркаклар рейтингида Волкановски, аёллардан иборат рейтингда Аманда Нуньес етакчилик қилади.
Нега Maxачев ғалабадан сўнг ҳам етакчи бўла олмади?
Ислом Maxачев ва Александр Волкановски ўртасидаги жанг тарихга кирди. Илк бор P4P рейтинги етакчилари бир-бирига қарши октагонга чиқди. UFC буни энг яхши жангчи унвони учун кураш сифатида баҳолади — промоушен ғалабадан сўнг ижтимоий тармоқларда Исломни рейтингда биринчи ўринга кўтарилгани билан табриклади.
Журналистларнинг қарори эса бочқача бўлди, Волкановски рейтингда етакчи сифатида қолди. Нуфузли Sherdog портали Maxачевни биринчи ўринда эътироф этган бўлса-да, UFC’нинг бу юриши кўпчиликни ҳайратда қолдирди. Промоутер Камил Гажиев бунга Maxачевнинг ишончсиз ғалабаси сабаб деб ҳисоблади:
“Бу мунозаралар учун мавзу, мунозаралар эса бўлиб туриши керак. Ислом Maxачев номи қанча кўп тилга олинса, шунча яхши. Сабаби, у ҳакамлар қарорига кўра ғалаба қозонди. Волкановски эса пастроқ вазн тоифасида чемпион. Унинг йўқлигида вақтинчалик титул учун баҳс ўтказилган.
Исломнинг ғалабаси тўлиқ устунлик билан бўлмади. Жангчи ютқазиб қўйганига қарамасдан рейтингда рақибидан юқори турибди. Математик жиҳатдан бунинг ёмон жойи йўқ. Maxачевнинг доминантлиги ва биринчи ўринга чиқиши — вақт масаласидир”.
Ислом кутилганидан паст натижа кўрсатди, бироқ у 4 ой ичида рейтининг биринчи (Волкановски) ва учинчи (Оливейра) рақамлари устидан ғалабани қўлга киритди. Александр яхши жанг ўтказди ва ғалаба қозониш эҳтимоли ҳам бор эди. Шу боис, мутахассислар унинг биринчи ўриндан тушишига сабаб кўрмади. Бу эса Волкановскининг Maxачев билан реванш жанги ўтказиш эҳтимолини янада оширади.
Ислом Maxачевнинг ўзи ҳам рейтингдаги етакчилик ҳақида гапириб ўтди
“Асосийси, мен 13 минг километр йўл босиб, уларнинг чемпиони устидан ғалаба қозондим ва бошимни тик тутган ҳолда камарни олиб, уйга қайтдим. Доғистонга нисбатан муносабат туфайли рейтингда етакчига айланолмадим? Балки. Мен бундай ўйинларга аралашмайман. Агар рейтинг шу ҳолида қоладиган бўлса... У барибир бир кун ўзгаради. Ўзгармаса, билмадим бу ҳақида қандай ўйлаш керак.
Мен бордим ва уларнинг чемпионини енгдим. Буни рейтингга қўшишадими ёки йўқми, фарқи йўқ. Муҳими, камар менинг елкамда”.
Изоҳ (0)