Тавсиялар уйда ҳамиша ўзига нимадир эрмак топиб ўтирадиганлар учун қўл келади. Кўпдан бери тикув анжомлари турадиган игна-қути йўқми? Энди вақтингизни унумли ишларга сарфлаб, бирваракайига иккита фойдали иш қилишингиз мумкин: ҳам эски кийимлардан қутиласиз, ҳам ўз қўлларингиз билан янги буюм яратасиз. Қуйида энг оддий ва самарали усуллар билан танишинг.
Олдин: эскирган женфер
Тирсакларда тешилган, доғ бўлган, чўзилган, хуллас, кийишга яроқсиз женфер.
Кейин: меҳмонхона учун юмалоқ ёстиқча
Сиз ундан бир нечта нарса ярата оласиз, чунки жараёнда ҳеч қандай мураккаб нарса йўқ. Ичи синтепон билан тўлдирилган юмшоқ ва қулай юмалоқ ёстиқча, шубҳасиз, ҳаммага манзур бўлади.
Кейин: коридордаги кичик столга қоплама
Эски қопламани олиб ташланг ва кийилмайдиган свитерни трафарет сифатида ишлатинг. Тескари тарафини столга кийдириб, ортиқча жойларини кесиб олинг. Қопламани мебелга мўлжалланган степлер ёрдамида маҳкамлаб чиқинг.
Олдин: эски жинси шимлар
Кийиб бўлмайдиган даражада эскирган жинси кийимларни турли ижодий нарса-буюмлар учун ишлатиш мумкин.
Кейин: майда деталларни сақлаш учун контейнер
Жинси шимлардан тайёрланган кичик идишлар нафақат уй шароитида ажойиб буюм, балки жуда замонавий кўринади.
Кейин: гул идишлари учун қопламалар
Гултувакларни жинси билан безаш орқали бир дақиқада одатий интерерни янгича қиёфага келтира оласиз. Бу жуда замонавий ва бежирим кўринади.
Олдин: эски футболка
Доғлар, тешиклар ва ранги ўчган газлама энди муаммо эмас, эски пахтали матодан фойдаланишнинг ўзгача усуллари бор.
Кейин: тўқилган гилам
Трикотаж иплар юзлаб нарса-буюмлар учун ишлатилиши мумкин бўлган супер материал. Уларни ясаш учун ўткир мато қайчи ва метр керак холос.
Олдин: эски фланел кўйлак
Эҳтимол, бундай кўйлакларни 90 йилларда кийгандирсизлар? Узоқ вақт шкафда туравериб ташқи кўринишини йўқотди.
Кейин: шарф
Бундай кўйлаклардан бир нечта бўлса, керакли қисмларини кесиб олиб, рангларни ўзаро уйғунлаштириш мумкин. Ўзингиз учун ажойиб шарф яратинг.
Кейин: сумка
Ниҳоятда енгил, замонавий, аммо чидамли.
Кейин: ёстиқ жилд
Кечқурунлари севимли сериалларини томоша қиладиганлар учун ажойиб ёстиқ жилд.
Мавзуга доир:
Изоҳ (0)