Тошкент вилояти Қибрай туманида икки йигит тенгдошларини дўппослаб, безорилик жиноятини содир этди. Бу ҳақда вилоят Ички ишлар бош бошқармаси ахборот хизмати хабар берди.
Хабарга кўра, ҳолат 22 январь куни содир бўлган. Шу куни бир нечта номаълум шахслар 1998 йилда туғилган Ш.А. ва 2003 йилда туғилган Ж.Х.ларни уриб тан жароҳати етказган. Ҳолат бўйича аниқлик киритиш мақсадида тезкор суриштирув олиб борилган.
Мазкур ҳолат юзасидан тўпланган ҳужжатларга асосан Қибрай тумани ИИБ ҳузуридаги Тергов бўлими томонидан Жиноят кодексининг 277-моддаси 2-қисми “б” банди билан жиноят иши қўзғатилган. Жиноятни фош этиш борасида олиб борилган тезкор тадбирлар давомида ушбу жиноятни 2000 йилда туғилган М.А. ҳамда Х.З.лар содир этгани аниқланиб, Қибрай тумани ҳудудида навбатдаги безорилик жиноятини амалга ошириш мақсадида воқеа жойига келган вақтида ушланган.
Қайд этилишича, ҳозирда жиноят ишига алоқадор бўлган жиноий гуруҳ аъзолари ҳамда уларни бошқа жиноий ҳолатларини аниқлашга қаратилган тезкор суриштирув тадбирлари ҳамда тергов ҳаракатлари олиб борилмоқда.
Изоҳ (0)