Ўзбекистон Фавқулодда вазиятлар вазирлиги қутқарувчилари Туркияда рўй берган талафотли зилзила оқибатида вайроналар остида қолган яна 2 кишининг жасадини олиб чиқди. Бу ҳақда вазирлик ахборот хизмати хабар берди.
Хабарга кўра, 12 февраль куни тунда ўзбекистонлик қутқарувчилар Туркиянинг Ҳатай провинциясида яна икки нафар жабрланганларни қулаган бинолар остидан чиқариб олди.
Қидирув-қутқарув ишлари бошлангандан буён, яъни 7 февраль кунидан ўзбекистонлик отрядлар томонидан 16 нафар жабрланганлар қутқарилиб, 107 нафар ҳалок бўлганлар олиб чиқилди.
Ўзбекистон қутқарувчилари хизмат итлари ёрдамида 62 ёшли Самет Генcо ва 60 ёшли Севал Генcони қутқариб қолди. Уларни вайроналар орасидан чиқариб олиш Мексика ва Туркия қутқарувчилари билан ҳамкорликда амалга оширилди.
Ҳозирда ҳудудда ўзбекистондан юборилган 100 қутқарувчи ва 70 дан ошиқ Мудофаа вазирлиги томонидан юборилган шифокор хизмат қилмоқда.
Изоҳ (0)