Ҳар куни атиги 15 дақиқа пиёда юриш саломатликка қандай таъсир кўрсатади?
15 дақиқа жуда кўп вақт бўлиб кўринади. Аммо бу вақт ичида жуда кўп ишларни бажаришингиз: нонушта тайёрлашингиз, сериалларнинг ярмини томоша қилишингиз, шунингдек, соғлиғингизни яхшилашингиз мумкин. Масалан, бу вақт ичида пиёда сайр қилсангиз ҳам бўлади, бу эса саломатлик учун фойдали ҳисобланади.
Пиёда юриш узоқ вақтдан бери саломатлик учун фойдали бўлган фаолият тури сифатида тан олинади. У юрак, мия фаолиятини яхшилайди, кайфиятни кўтаришга ёрдам беради. Пиёда юриш югуришдан кўра бўғинларингизга юмшоқроқ таъсир кўрсатадиган ва юқори интенсив кардио фаолиятга қараганда осонроқ бўлган ажойиб кардио машқ шаклидир.
Кўп инсонлар кунига 10 000 қадам пиёда юриш билан машғул бўлишса-да (кунига шунча қадам юриш керак, деган фикр хато), сиз атиги 15 дақиқа пиёда юриш билан ҳам пиёда юришнинг кўп афзалликларини билиб олишингиз мумкин.
Кайфиятингизни кўтаради
Иш кунингиз ёмон ўтдими? Пиёда юриш пайтида уни унутишга ҳаракат қилинг. Тадқиқотлар шуни кўрсатдики, кунига 10-15 дақиқа пиёда юриш хотиржам бўлишингизга ва бўшаштиришга ёрдам беради. Кунига атиги 10-12 дақиқа тоза ҳавода сайр қилсангиз, кайфиятингиз аниқ яхшиланади.
Ижодкорликни ривожлантиради
Стенфорд университети тадқиқотчилари 2014 йилда пиёда юриш ижодкорликни оширади, деган хулосага келди. Улар пиёда юриш (ичкарида ёки ташқарида) ўтиришдан кўра “янги ғоялар авлоди”ни (ижодий фикрлаш деб аталади) яхшилаганини аниқлади.
Бу ишдаги барча вазифалар юриб бажарилиши керак дегани эмас, аммо янги кўриниш ёки янги ғояларни талаб қиладиган инсонлар бундан фақатгина фойда кўради.
Узоқроқ умр кўришга ёрдам беради
15 дақиқалик пиёда юриш ҳеч нарсадек туюлади, аммо бу дақиқалар умр кўриш давомийлигини ошириши мумкин. 2017 йилда American Journal of Preventive Medicine журналида чоп этилган тадқиқот шуни кўрсатдики, ҳафтасига атиги икки соат (бу кунига атиги 15 дақиқадан кўпроқ) пиёда юрадиган инсонларда ўлим хавфи умуман ҳаракат қилмайдиган инсонларга қараганда анча паст. Бу шунчаки ҳар бир кичик ҳаракат ҳам муҳим аҳамиятга эга эканини исботлайди.
