Чеченистон раҳбари Рамзан Қодиров Украина президенти Владимир Зеленскийга фашистлар Германияси етакчиси Адолф Гитлер каби ўзини отиши учун пистолет юборишини айтди. Қодиров Россия-1 телеканалига берган интервьюсида бу ҳақда гапирди.
Унинг сўзларига кўра, бу қурол Украина президенти учун махсус сақланиб келинмоқда ва у ўқланган. Чеченистон раҳбари қуролни Зеленскийга “муносиб қадам ташлаши учун” юборишини айтди.
У Украина билан “яккама-якка” музокаралар олиб боришга тайёрлигини, “психолог” бўлгани учун Зеленскийни керакли нарсани қилишга мажбурлай олишини таъкидлади. Чеченистон раҳбари Рамзан Қодиров, агар Россия президентининг буйруғи бўлса, рус қўшинлари Киев кириб бориши ва уни эгаллаши мумкинлигини қўшимча қилди.
“Бизда Киевга ета оладиган тирик куч бор. Бугун Олий Бош Қўмондоннинг буйруғи бўлса, барча бўлинмалар бунга тайёр. Кейинги вазият президент қандай қарор чиқаришига боғлиқ”, — деди у.
Изоҳ (0)