Checheniston rahbari Ramzan Qodirov Ukraina prezidenti Vladimir Zelenskiyga fashistlar Germaniyasi yetakchisi Adolf Gitler kabi o‘zini otishi uchun pistolet yuborishini aytdi. Qodirov Rossiya-1 telekanaliga bergan intervyusida bu haqda gapirdi.
Uning so‘zlariga ko‘ra, bu qurol Ukraina prezidenti uchun maxsus saqlanib kelinmoqda va u o‘qlangan. Checheniston rahbari qurolni Zelenskiyga “munosib qadam tashlashi uchun” yuborishini aytdi.
U Ukraina bilan “yakkama-yakka” muzokaralar olib borishga tayyorligini, “psixolog” bo‘lgani uchun Zelenskiyni kerakli narsani qilishga majburlay olishini ta’kidladi. Checheniston rahbari Ramzan Qodirov, agar Rossiya prezidentining buyrug‘i bo‘lsa, rus qo‘shinlari Kiyev kirib borishi va uni egallashi mumkinligini qo‘shimcha qildi.
“Bizda Kiyevga yeta oladigan tirik kuch bor. Bugun Oliy Bosh Qo‘mondonning buyrug‘i bo‘lsa, barcha bo‘linmalar bunga tayyor. Keyingi vaziyat prezident qanday qaror chiqarishiga bog‘liq”, — dedi u.
Izoh (0)