Чеченистон раҳбари Рамзан Қодиров Украинада уруш қандай тугашини прогноз қилди. Бу ҳақда “РИА Новоcти” хабар берди.
Қодировнинг сўзларига кўра, уруш масаласи 2023 йил охиригача ҳал бўлади, шундан сўнг “Ғарб тиз чўкади”.
“Ғарб тиз чўкади ва одатдагидек Европа давлатлари Россия билан барча соҳаларда ҳамкорлик қилишга мажбур бўлади. Бошқача ҳолат кузатилмайди", — деди Чеченистон раҳбари.
Қодиров Европа Иттифоқи мамлакатлари “ўз сиёсатларининг нотўғри эканини” тан олиши ҳақида қайд этди.
Аввалроқ Чеченистон раҳбари Украинада “махсус ҳарбий операция” бошланганидан бери Чеченистондан 21 мингдан ортиқ жангчи жанговар ҳаракатларда қатнашганини маълум қилганди. У ҳарбийларнинг ҳар бири барча зарур кийим-кечак ва қурол-яроғлар билан таъминлангани, бу эса “самарали жанг қилиш” имконини беришини таъкидлаган.
Шунингдек, Қодиров Украинадаги “махсус ҳарбий операция” муваффақиятли якунланганидан сўнг шахсан ўзи Польшани “денацификация ва демилитаризация” қилиш ниятида эканини қайд этган. Унинг сўзларига кўра, Польшанинг Силезия минтақаси “алоҳида мустақил мақомга лойиқ”, йилдан йилга у ерда ҳудуднинг автоном бўлиши тарафдорлари кўпаймоқда. Қодиров у ерда референдум ўтказилиши кераклиги ва Россия уни ўтказишда “ташкилий ёрдам” бера олишини айтган.
Изоҳ (0)