Қозоғистоннинг Петропавловск шаҳридаги 4-мактабда ошхона пичоғи ва болта билан қуролланган 9-синф ўқувчиси уч нафар ўқувчини яралади. Улардан икки нафари боши ва билак қисмига тиғ санчиб етказилган жароҳатлар билан шифохонага ётқизилди. Бу ҳақда Шимолий Қозоғистон вилояти таълим бошқармаси маълум қилди.
Воқеа дарслар бошланишидан олдин содир бўлган. Қурбонлар – икки ўғил ва бир қиз 9—10-синф ўқувчилари. Улар касалхонага ётқизилган, ҳушида, аҳволи барқарор, дейди вилоят таълим бошқармаси бошлиғи Назир Жашибеков. Унинг тушунтиришича, мактабга кираверишда болалар тинтув қилинмаган. “Ўқувчиларнинг сумкалари текширилмайди. Ҳужумчи ҳожатхонага кириб, пичоқ ва болта билан чиқди. Бошқа маълумотлар ошкор қилинмаяпти”, — деди Жашибеков.
Ҳужум қилган бола қўлга олинди, одам ўлдиришга уриниш моддаси бўйича судга қадар тергов ҳаракатлари олиб борилмоқда. Дастлабки маълумотларга кўра, у психиатр назоратида бўлиб келган, деб хабар қилди вилоят прокуратураси матбуот хизмати. Мактаб маъмуриятининг ҳаракатларига ҳам ҳуқуқий баҳо берилади, дея қўшимча қилди улар.
Изоҳ (0)