Ўзбекистонда энди воситачи шартномаси асосида товар (хизмат) реализациясини амалга оширувчилар томонидан чоп этилган онлайн-НКТ чекларини таҳрирлаш мумкин. Бу ҳақда Давлат солиқ қўмитаси хабар бермоқда.
Қайд этилишича, бунда комитент шахсий кабинетида воситачини (комиссионер) рўйхатдан ўтказган бўлиши лозим.
Солиқ тўловчилар янги имкониятдан “my3.soliq.uz” портали шахсий кабинетида “Юридик шахслар ва якка тартибдаги тадбиркорлик субъектларининг онлайн назорат-касса техникаси маълумотлари” бўлимида тест режимида фойдаланиши мумкин.
Шу билан бирга, “my.soliq.uz” сайти “Солиқ тўловчининг шахсий кабинети”даги “Юридик шахслар ва якка тартибдаги тадбиркорлик субъектларининг онлайн-НКМ ва виртуал касса маълумотлари” бўлимининг бир қатор менюлари “my3.soliq.uz” сайтида жорий қилинди.
Жумладан:
- тадбиркорлар томонидан онлайн-НКМ (виртуал касса) ҳамда Маркетплейс орқали шакллантирилган чек маълумотларини кузатиш;
- воситачи томонидан шакллантирилган чек маълумотларини кузатиш.
Маълумот учун, “my.soliq.uz” сайтидаги онлайн назорат-касса техникаси хизматлари босқичма-босқич “my3.soliq.uz” сайтига ўтказилади.
Изоҳ (0)