Канададаги Биртания қироллиги зарбхонаси Украина писанкаси шаклидаги тангани муомалага чиқарди, деб хабар бермоқда зарбхона матбуот хизмати.
Бу қироллик коллекциясидаги камида саккизинчи писанкасимон танга. Унда кунгабоқар сурати ва қиролича Елизавета II нинг профили зарб қилинган.
Писанка — славян халқларининг анъанавий маданиятида қўлланиладиган расмли Пасха тухуми.
Танга 58,5 г соф олтиндан ясалган. Унинг номинал қиймати 250 Канада долларини ташкил этади, аммо сотиб олиш нархи 7 минг долларга етади. Жами 275 дона писанка тангалар зарб қилинган. Улар бир неча кун ичида сотилиб, тушган маблағ Россия агрессиясидан азият чеккан украиналикларга ёрдам беришга сарфланган.
Танга дизайни муаллифлари — канадалик рассом Сюзан Блант ва асли украин бўлган канадалик Дейв Мельничук.
Изоҳ (0)