Kanadadagi Birtaniya qirolligi zarbxonasi Ukraina pisankasi shaklidagi tangani muomalaga chiqardi, deb xabar bermoqda zarbxona matbuot xizmati.
Bu qirollik kolleksiyasidagi kamida sakkizinchi pisankasimon tanga. Unda kungaboqar surati va qirolicha Yelizaveta II ning profili zarb qilingan.
Pisanka — slavyan xalqlarining an’anaviy madaniyatida qo‘llaniladigan rasmli Pasxa tuxumi.
Tanga 58,5 g sof oltindan yasalgan. Uning nominal qiymati 250 Kanada dollarini tashkil etadi, ammo sotib olish narxi 7 ming dollarga yetadi. Jami 275 dona pisanka tangalar zarb qilingan. Ular bir necha kun ichida sotilib, tushgan mablag‘ Rossiya agressiyasidan aziyat chekkan ukrainaliklarga yordam berishga sarflangan.
Tanga dizayni mualliflari — kanadalik rassom Syuzan Blant va asli ukrain bo‘lgan kanadalik Deyv Melnichuk.
Izoh (0)