“Олимпик” ва Ўзбекистон У-23 терма жамоаси ҳужумчиси Русланбек Жиянов Россиянинг “Нижний Новгород” клуби билан шартнома имзолади.
Жиянов Россия клуби билан 3,5 йиллик шартнома имзолади. Шартномага мувофиқ Русланбек Осиё Кубоги саралаш босқичи, Осиё ва Олимпия ўйинларига муваффақиятли тайёргарлик кўриш мақсадида мавсум охиригача ижара асосида “Олимпик" клубида тўп тепади.
Русланбек Жиянов 2001 йил Тошкентда таваллуд топган. “Пахтакор” ёшлар жамоаси ва “Олимпик” шарафини ҳимоя қилган. Ўтган мавсум Ўзбекистон чемпионатида 25 та ўйинда майдонга тушиб, 5 та гол ва 4 та голли узатмага муаллифлик қилган.
Қайд этиб ўтиш жоиз, “Нижний Новгород” жамоасида ўзбекистонлик футболчи Иброҳимҳалил Йўлдошев ҳам ўйнайди. Йўлдошев 2021 йил август ойида клуб билан шартнома имзолаган. Иброҳимҳалил жорий мавсум Россия чемпионатида 16 та ўйинда 2 та гол ва битта голли узатмани амалга оширган.
Изоҳ (0)