Қашқадарё вилояти Деҳқонобод туманида 9 февраль куни тупроқ кўчкиси содир бўлгани сабабли поездлар ҳаракати тўхтатилганди. Вилоят транспорт бошқармаси йўловчилар ўз манзилига етказилиши бўйича маълумот берди.
Қайд этилишича, Қарши темир йўл бекатига 9 февраль куни соат 21:18 да келган 330-сонли Волгоград—Душанбе поездининг 35 нафар йўловчисига Сурхондарё вилоятининг Тожикистон билан чегарадош ҳудудига бепул етиб олиши учун 1 та 50 ўриндиқли “Golden Dragon” русумли автобус ажратилган.
Бундан ташқари, 10 февраль куни Қарши темир йўл бекатига соат 03:30 да келган 130-сонли Андижон—Термез поездининг Сурхондарё вилоятига кетаётган 165 нафар йўловчисига доимий яшаш манзилига бориши учун зарур ёрдам кўрсатилган. Темир йўл бекатида Сурхондарё вилоятига қатновчи 48 та енгил автомашина (такси) ҳозир бўлиши таъминланган.
Мавзуга доир: Воқеа уч йил ўтиб, яна такрорланди: Деҳқонободда кўчки содир бўлиши, темирйўлни ишдан чиқарди
Изоҳ (0)