Qashqadaryo viloyatida 9-fevral kuni tuproq ko‘chkisi sodir bo‘lgani sababli poyezdlar harakati to‘xtatildi. Bu haqda “O‘zbekiston temiryo‘llari” AJ axborot xizmati xabar berdi.
Xabarga ko‘ra, 9-fevral kuni soat 06:10 da Chashma-Oqrabot stansiyalari oralig‘ining 103-km 5-6 piket qismida tuproq ko‘chkisi sodir bo‘ldi. Shu sababli poyezdlar harakati vaqtincha to‘xtatildi. Qayd etilishicha, hozirgi paytda holatni bartaraf etish maqsadida mutaxassislar tezkorlik bilan ushbu hududga yetib keldi va 3-dona ekskavator, 7-dona samosval, 2-dona buldozer va boshqa texnikalar jalb etgan xolda tuproq ko‘chkilarini temiryo‘l izidan tozalash ishlari amalga oshirilmoqda.
Shuningdek, 2023-yilning 9-fevral kuni 80/79-sonli Toshkent—Termiz—Toshkent va 682/681-sonli Qumqo‘rg‘on—Sariosiyo—Qumqo‘rg‘on yo‘nalishlaridagi poyezdlar harakati texnik sabablarga ko‘ra bir reysga to‘xtatiladi.
Izoh (0)