Ўзбекистонда 2023 йилда аҳолининг сифатли ва қулай йўловчи ташиш хизматларига эҳтиёжларини қондириш мақсадида Тошкент шаҳри ва ҳудудлар учун қўшимча 1 мингтадан замонавий автобуслар харид қилинади. Бу жамоатчилик муҳокамасига қўйилган давлат дастури лойиҳасида кўзда тутилган.
Қайд этилишича, “Ўзмиллийбанк” АЖдан хорижий молия институтлари маблағлари ҳисобидан узоқ муддатли ва имтиёзли кредит маблағларини жалб қилган ҳолда қўшимча 2 000 та автобус сотиб олинади.
Бунинг учун 230 миллион доллар хорижий кредит линиялари маблағлари сарф қилинади.
Транспорт вазирлиги, Иқтисодиёт ва молия вазирлиги, “Ўзбекистон темир йўллари” АЖ, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари топшириқ ижроси учун масъул этиб белгиланди.
Изоҳ (0)