Ўзбекистон маҳаллаларида 2023 йилда хотин-қизларнинг ижтимоий фаолликларини оширишга қаратилган тадбирлар ташкил этилади. Бу жамоатчилик муҳокамасига қўйилган давлат дастури лойиҳасида кўзда тутилган.
Қайд этилишича, барча маҳаллаларда хотин-қизлар фаоли масъуллигида “Оқила аёллар” ҳаракати негизида отинойилар, кўчабошилар, ёшлар етакчилари, фаол хотин-қизлардан иборат таркибда маҳалла тарғибот гуруҳлари шакллантирилади.
Тарғибот гуруҳлари томонидан ушбу йўналишда Тошкент шаҳрида амалга оширилган ишларни таҳлил қилиш ҳамда унинг натижалари асосида маҳаллаларда хотин-қизлар ўртасида радикаллашувни олдини олиш, шунингдек, уларни қўллаб-қувватлаш ва ижтимоий фаолликларини оширишга қаратилган чора-тадбирлар режаси ишлаб чиқилади.
Шунингдек,
- туман (шаҳар)лар ва вилоятларда тарғиботчилар гуруҳларини шакллантириш, улар учун ўқувларни ташкил этиш;
- ҳар бир туман (шаҳар)нинг тадбирларни ўтказиш графиклари ишлаб чиқишини ташкиллаштириш режалаштирилган.
Оила ва хотин-қизлар қўмитаси, Дин ишлари бўйича қўмита, Маданият ва туризм вазирлиги, Олий таълим, фан ва инновациялар вазирлиги, Ёшлар сиёсати ва спорт вазирлиги топшириқ ижроси учун масъул ҳисобланади.
Изоҳ (0)