Санкт-Петербург шаҳрида 9 февраль куни Ўзбекистон ва Россия энергетика соҳасида ҳамкорлик масалалари юзасидан учрашув ўтказилди. Бу ҳақда Энергетика вазирлиги ахборот хизмати хабар берди.
Уч томонлама учрашувда Ўзбекистон энергетика вазири Жўрабек Мирзамаҳмудов, “Газпром” бошқарув раиси Алексей Миллер ҳамда Қозоғистон энергетика вазири Болат Акчулаков иштирок этган.
Учрашувда Ўзбекистонга Россия табиий газини Қозоғистон ҳудуди орқали етказиб бериш масаласи, хусусан, уч томонлама ишчи гуруҳ томонидан ўтказилган дастлабки техник кўрик натижалари, етказиб беришнинг мавжуд имкониятлари ҳамда январь ойида имзоланган йўл харитасининг ижроси юзасидан муҳокамалар ўтказилди.
Мазкур учрашув якуни билан уч томонлама ўрганишларнинг кейинги босқичини жадаллаштириш ҳамда натижаси бўйича қисқа муддатларда уч томонлама учрашувни қайта ташкил этишга келишиб олинди.
Мавзуга доир:
Изоҳ (0)