Тошкент шаҳри Миробод туманида сотувчи йигит ўзи ишлайдиган дўкондан 150 га яқин иситкич ва 62 дона гўшт майдалагич ўғирлади. Бу ҳақда шаҳар Ички ишлар бош бошқармаси ахборот хизмати хабар берди.
Хабарга кўра, 1 февраль куни Миробод туманидаги МЧЖлардан бирининг раҳбари туман ИИОFMБга ариза билан мурожаат қилган. У ўз аризасида дўкон омборидан 62 дона гўшт майдалагич ва 146 дона иситкич ўғирлаб кетилганини маълум қилган.
Маълум қилинишича, мазкур ҳолат юзасидан Жиноят кодексининг 169-моддаси (ўғирлик) билан жиноят иши қўзғатилган. Кўрилган тезкор чора-тадбирлар давомида ўғирликда гумонланувчи шахс аниқланиб, қўлга олинган. Қўлга олинган шахс ушбу дўкон ишчиси, 20 ёшли У.К. эканлиги маълум бўлди ва ҳибсга олинди. Тергов ишлари давом этмоқда.
Изоҳ (0)