Украина Хавфсизлик химати Украина фуқаролари томонидан Россия ҳуқуқ-тартибот идоралари — Миллий гвардия ва Ички ишлар вазирлигининг яширинча молиялаштирилишига оид схемани йўқ қилгани ҳақида эълон қилди.
Разведка хизмати маълумотларига кўра, схемани ташкиллаштиришда Украинада давлатга хиёнатда айбланаётган Виктор Медведчукнинг рафиқаси Оксана Maрченко иштирок этган. У “гўёки Медведчукнинг Қримдаги кўчмас мулкини ҳимоя қилиш учун” Россия гвардияси ва Ички ишлар вазирлигининг аннексия қилинган яриморолдаги ҳисоб рақамларига миллионлаб доллар ўтказган Киев компаниялари тармоғи ва Ялтадаги корхонанинг якуний фойда олувчиси деб аталмоқда.
Шунингдек, Maрченконинг бизнес тузилмаси “солиқ ва йиғимлар” тўлаш шаклида Россия бюджетини мунтазам равишда тўлдириб тургани айтилади. Россияга тўловларнинг умумий миқдори 50 миллион гривнадан кўпроққа (1,354 миллион доллар) баҳоланмоқда.
УХХ таъкидлашича, ушбу схемани амалга ошириш учун Оксана Marchэнко Ялтада устав капитали бир миллиард рублдан ортиқ бўлган компанияни Киевдаги учта инвестиция компаниясининг активларидан фойдаланган ҳолда рўйхатдан ўтказган.
УХХ Оксана Marchэнко ва унинг Қримдаги компанияси раҳбари Украина Жиноят кодексининг 110-2-моддасида назарда тутилган жиноятларда (давлат ҳокимиятини мажбуран алмаштириш ёки эгаллаб олиш, Украинанинг давлат чегараларини ўзгартириш мақсадида содир этилган ҳаракатларни молиялаштириш) гумонланаётганини маълум қилди. Гумонланувчилар мол-мулки мусодара қилиниб, саккиз йилгача озодликдан маҳрум этилиши мумкин.
Meduza хабарига кўра, Виктор Медведчукнинг рафиқаси Оксана Maрченко ва уларнинг 19 ёшли қизи Даря ҳозир Москвада яшайди.
Маълумот ўрнида, “Путиннинг қадрдони” деб аталадиган Виктор Медведчукка 2021 йилда Украина ҳуқуқ-тартибот идоралари давлатга хиёнат ва “миллий бойликларни талон-тарож қилишга уриниш” бўйича иккита айблов қўйди. Медведчук уй қамоғига олинган, хабарларга кўра, у Россия Украинага бостириб кирган дастлабки кунларда қочиб кетган. 12 апрель куни Украина расмийлари Медведчук ҳибсга олингани ҳақида маълум қилди.
21 сентябрь куни асирлар билан айирбошлашув доирасида Киев Москвага сиёсатчи Виктор Медведчукни ва 55 нафар россиялик ҳарбийларни топширганди.
Изоҳ (0)