Россия президенти Владимир Путин бир неча бор ўз олдига юксак мақсадлар қўйган, ҳукумати ва ҳарбийларини уларга эришишга чақирган, аммо узоқ давом этадиган уруш талаб қиладиган қарорларни қабул қилишдан узоқлашган, дея хабар берди Американинг урушни тадқиқ қилиш институти (ISW).
Таҳлилчиларга кўра, Россия ҳукумати кенг кўламли ҳарбий ислоҳотларни кеч амалга оширмоқда ва Украинадаги вазиятни узоқ давом этган ва йирик уруш сифатида баҳоламоқда. Бироқ Путиннинг ўзи эҳтиёткорлик билан қарор қабул қилишда давом этмоқда. Кремл иккинчи сафарбарлик тўлқинини эълон қилишни кечиктираётгани, чунки улар жамиятнинг реакциясидан қўрқиши айтилган.
ISW'да келтирилишича, Путин урушдаги муваффақиятсизликлари ва сиёсати учун айбни ўз зиммасига оладиган одамларга таянади. Путиннинг таваккал қилишни истамаслиги унинг ҳалигача ядровий кучайиш ёки НАТО билан урушга бориш эҳтимоли йўқлигини кўрсатади. Россия бундай таҳдидлардан фақат Ғарбни қўрқитиш учун фойдалангани айтилмоқда.
ISW ҳисоботида Путин ўзининг ички статус-квони қадрлаши ва ўз мақсадларига эришиш учун хавфли сиёсатлардан қочишга ҳаракат қилиши таъкидланади.
“Путин у дуч келган вазиятни идрок этиши ҳақиқатга зид бўлса-да, хавф-хатарларни бартараф этишга катта эътибор берадиган эҳтиёткор одам бўлиб қолишини кўрсатишда давом этмоқда”, — дейилади ISW баёнотида.
Мавзуга доир:
Изоҳ (0)