Ҳиндистон жаҳон нефть бозорида тобора муҳим рол ўйнамоқда, арзонроқ рус нефтини сотиб олиб, уни Европа ва АҚШ учун ёнилғи қилиб қайта ишламоқда. Бу ҳақда Bloomberg хабар берди.
-21.jpg)
Европа санкцияларни кучайтирар экан, Ҳиндистон Россиянинг Украинадаги бир йиллик уруши туфайли қайта чизилган глобал нефть харитасининг марказига айланди.
“АҚШ ғазначилигининг иккита асосий мақсади бор: бозорни яхши таъминлаш ва Россияни нефть даромадидан маҳрум қилиш. Улар Ҳиндистон ва Хитой нефтни қайта ишлаш корхоналари чегирмали Россия хом ашёсини сотиб олиш ва маҳсулотларни бозор нархларида экспорт қилиш орқали катта фойда олишлари мумкинлигини билади. Улар (АҚШ ғазначилиги таҳр.) бунга рози”, — дейди Стратегик ва халқаро тадқиқотлар маркази ходими Бен Кэйхилл.
Кплер компанияси маълумотларига кўра, Ҳиндистон ўтган ой Нью-Йоркка кунига тахминан 89 минг баррел бензин ва дизел етказиб берди. Бу қарийб тўрт йил ичидаги энг юқори кўрстакич.
Европа Иттифоқининг Россия нефть экспортига қарши янги санкциялари якшанба куни кучга кирганидан кейин Осиё давлатининг аҳамияти ошиши кутилмоқда.
Тақиқ катта ҳажмдаги дизел ёнилғисини бозордан олиб ташлайди. Бунинг ортидан Европа таъминот бўшлиғини тўлдириш учун Осиёга юзланади.
Бу ўзининг хом ашёга бўлган эҳтиёжининг 85 фоизини импортга таянадиган Ҳиндистон учун арзон Россия нефтини янада жозибадор қилади.
Мамлакатнинг нефтни қайта ишлаш корхоналари, жумладан, ички талабни қондириш учун масъул бўлган давлат процессорлари юқори халқаро нархлардан фойда олиш учун ўтган йили экспортни кўпайтира бошлаганди.
Европа Иттифоқи кўрсатмаларига кўра, Ҳиндистон қоидалар доирасида ишлайди. Россия хом ашёси Ҳиндистон каби блокдан ташқарида жойлашган мамлакатда ёнилғига айлантирилганда, тозаланган маҳсулотлар Европа Иттифоқига етказиб берилиши мумкин, чунки улар Россияда ишлаб чиқарилган деб ҳисобланмайди.
“G7 давлатлари Москванинг даромадларини имкон қадар қисқартиришга интилади, бироқ улар Россия нефти ва қайта ишланган маҳсулотлари глобал таъминот инқирозига йўл қўймаслик учун бозорни таъминлашидан ҳам манфаатдор” — деди Вортеха компаниясининг Осиё бўйича етакчи таҳлилчиси Серена Хуанг.
Изоҳ (0)