Дам олиш кунлари Австрия, Италия ва Швейцария бўйлаб Алп тоғларидаги бир нечта тоғ-чанғи курортларида юз берган қор кўчкилари камида 13 кишининг ҳаётига зомин бўлди.
Австрия ҳукумати қор кўчкиси хавфининг иккинчи, тўртинчи ва энг хавфли даражаларини эълон қилди. Бундай ҳолда, тажрибасиз чанғичиларга очиқ чанғи ёнбағирларида қолиш, тажрибали чанғичиларга эса жуда тик ёнбағирлардан узоқроқ туриш тавсия этилади.
Австрия ва Италия шимолида жойлашган тарихий Тирол минтақасига кучли қор ва қаттиқ шамолдан кейин қор кўчкиси хавфи ортди.
4 февраль куни биргина шу минтақада 30 дан ортиқ қор кўчкиси қайд этилган. Баъзи одамлар ҳануз бедарак йўқолган, деб ҳисобланмоқда, чунки кўришнинг ёмонлиги ва об-ҳаво шароити туфайли қутқарув ишлари секинлашган.
5 февраль куни Австрия полицияси беш қурбон, жумладан, уйига олиб борувчи йўлакни қордан тозалаш вақтида кўчки остида қолган 59 ёшли эркакнинг ўлими ҳақида хабар берди.
Изоҳ (0)