Бир кечада таниқли бўлиб уйғониш мумкин. Энг машҳур журналлар муқовасини бирданига эгаллаб, сўнгра тўсатдан унут бўлиш ҳам осон. The Voice Маg нашри машҳурликни қўлдан бой берганига қарамай, карерасини қайта қуришга муваффақ бўлган актрисаларни санаб ўтди.
Женнифер Кулиж
Бу актрисанинг исмини илгари эслаб қолишгамагани аниқ, у ҳамма учун шунчаки Стифлернинг онаси эди. Женнифер Кулижга машҳурликни 1999 йилда “Америка пироги” комедияси олиб келди, у ерда актриса бош қаҳрамонлардан бирининг онасини ўйнади. Аммо худди шу фильм унинг омадсизлигига ҳам сабаб бўлди. У кейинчалик ҳам комедиялар доирасидан ташқарига чиқмади, унинг фильмографиясида янги ёдда қоларли персонажлар йўқ эди.
Демак, Женнифер “Оқ лотос” сериали режиссёри Майк Уайт билан учрашиб қолмаганида, фақат битта роли билан ёдда қолган бўларди. У Кулижни Таня Маккуоид ролига таклиф қилди, актриса йиллар давомида барча сарфланмаган кучини шу ролга бағишлаганга ўхшайди. У томошабинларни яна ҳайратда қолдирди ва танқидчилар унинг ғалабали қайтишини қадрлади. У шундан кейин иккинчи даражали энг яхши актриса сифатида “Эмми” ва “Олтин глобус” мукофотини олди.
Сара Мишел Геллар
Албатта, 2000 йилларнинг бошидаги машҳур сериалда Баффи роли билан Сара Мишел Геллар вампирларни қандай йўқ қилганини эслаш мумкин. Аммо кейин унга нима бўлди? Сериални суратга олиш оралиғида Геллар бир нечта машҳур фильмларда ўйнашга муваффақ бўлди. Аммо унинг фильмографияси жуда қайғули кўринди, ҳеч қандай йирик лойиҳалар, қизиқарли роллар йўқ эди, шунинг учун актриса тилга кам олинди ва мухлислар ёдидан кўтарилди. Геллар иккинчи профессионал имкониятга 2023 йил 26 январда Paramount + стриминг хизматида чиққан “Бўрилар тўдаси” сериали туфайли эришди.
Линдси Лохан
Линдси Лохан карерасини болалигидан бошлади, кейин бутунлай ғойиб бўлди. Ёшлик Лоханга жуда кўп муаммолар келтирди: маст ҳолда машина ҳайдагани учун ҳибсга олиниш, спиртли ичимликлар ва гиёҳванд моддалар билан боғлиқ муаммолар туфайли реабилитация марказида бўлиш. Буларнинг барчаси актрисанинг карерасига нуқта қўйди, жанжал туфайли кўплаб студиялар у билан ишлашни тўхтатди. Актриса карерасини қайта қуриши учун кўп вақт сарфлади, ҳатто бошқа касбларга ўтди, масалан, Грецияда пляж клубларини очди. Аммо 2019 йилда актрисага омад кулиб боқди. У ўзининг учинчи студиявий альбомини ёзиб, чиқаришга муваффақ бўлди ва кейинчалик Netflixънинг “Унутилмас Янги йил” романтик комедиясида рол ўйнади. Фильм танқидчилар томонидан стереотип деб аталган бўлса-да, Лохан мақтовга сазовор бўлди, шунинг учун актрисанинг экранларга қайтиши муваффақиятли кечди.
Мавзуга доир:
Изоҳ (0)