Актёр кинотеатрга “Мумиё” фильмидаги қаҳрамони Рик O’Коннелл образида келган. Томошабинлар уни гулдурос қарсаклар билан кутиб олган, деб ёзади “Правила жизни”.
Таниқли актёр Брендан Фрэйзер Лондондаги The Prince Charles кинотеатрида “Мумиё” фильмининг махсус намойишида қатнашиб, мухлисларни лол қолдирди.
2023 йил 20 январь куни кинотеатрда “Мумиё” ва “Мумиё: Қайтиш” фильмлари намойиш этилди. Томошабинлар фильм франшизасида Рик O’Коннелл ролини ижро этган Фрэйзернинг ташрифи ҳақида олдиндан огоҳлантирилмаган. Актёр экрандан сўнг саҳнага чиққанида, томошабинлар уни гулдурос қарсаклар билан кутиб олди. Кўпгина томошабинларнинг фикрича, Фрэйзер тадбирга “Мумиё” фильмидаги қаҳрамонига жуда ўхшаш кийимда келган.
“Ушбу фильм Буюк Британияда суратга олинган. Биласизми? Ҳатто иккинчи қисми ҳам. Шундай экан, бундан фахрланинг. Бу ерда бўлганингиз учун раҳмат. Биз унда суратга тушганимизда фильм қандай бўлишини билмасдик. Бу комедиями, жанговар фильмми ёки қўрқинчли фильм, мелодрамами, умуман билмасдик. Британиялик томошабинлар олдида синов намойишларини ўтказмагунимизча, ҳеч нарсани билмадик. Бунинг учун ташаккур”, — деди Фрэйзер томошабинларга.
Шунингдек, актёр ташриф буюрувчиларга ўзи бош ролни ижро этган Даррен Аронофскийнинг “Кит” драмасини томоша қилишни ҳам таклиф қилди.
Мавзуга доир:
- “Ёруғлик сари юришга куч топсангиз, ҳаммаси яхши бўлади”. Брендан Фрэйзернинг “Кит” фильми тақдимотидаги нутқи томошабинларни таъсирлантирди (видео)
- Брендан Фрэйзерни “Кит” фильмидаги роли учун Венеция кинофестивалида 6 дақиқа олқишлашди. Актёр кўз ёшларини тия олмади (видео)
- “Мумиё” фильми юлдузи Брендан Фрэйзер янги рол учун 300 кило вазн тўплади (фото)
Изоҳ (0)