Италиянинг “Специя” клуби Элдор Шомуродовни мавсум охирига қадар ижарага олди. Бу ҳақида “Специя” расмий сайти маълум қилди.
“Специя” ўзбекистонлик футболчи учун “Рома”га 1,5 миллион евро тўлаб беради.
Элдор Шомуродов жорий мавсум “Рома” сафида барча мусобақаларда 8 та ўйинда майдонга тушиб, битта голга муаллифлик қилган.
Эслатиб ўтамиз, Шомуродов 2020/21 йилги мавсум бошида “Ростов”дан 7,5 миллион евро эвазига “Женоа”га ўтганди. Бунгача у “Машъал” ва “Бунёдкор” клубларида тўп сурган. Генуядаги бир йиллик фаолиятидан сўнг ўзбекистонлик ҳужумчи Римнинг “Рома” клубига ўтган эди.
Изоҳ (0)