Мадриднинг “Реал” клуби Испания Ла Лигаси 19-турида “Реал Сосьедад” билан дуранг ўйнади (0:0).
“Қаймоқранглилар” 2022/23 йилги мавсумнинг барча мусобақаларини инобатга олганда 30-ўйинга келиб илк бор гол уролмади. Ортда қолган 29 учрашувда Мадрид жамоаси ҳеч бўлмаганда битта тўп киритганди.
“Реал” учрашувда “Реал Сосьедад” дарвозаси томон 20 та зарба йўллади ва уларнинг еттитаси дарвозага аниқ борди.
“Реал” Ла Лига доирада кетма-кет олти ўйиндан бери Сан-Себастьян клубига мағлуб бўлмаяпти (4 ғалаба, 2 дуранг). Охирги марта пойтахт клуби 2019 йилнинг май олида Зинедин Зидан қўл остида “Реал Сосьедад”га енгилганди.
Изоҳ (0)