Бильбаонинг “Атлетик” клуби ҳужумчиси Иньяки Уильямс жароҳат сабаб Ла Лига 19-тури доирасида ўтказилган “Сельта”га қарши ўйинни ўтказиб юборди.
28 ёшли футболчи 7 мавсум деганда илк бор жамоасининг Испания чемпионатидаги ўйинида майдонга тушмади.
Уильямс 2016 йилнинг 20 апрелидан бери Ла Лиганинг кетма-кет 251 та ўйинида қатнашди. У олти мавсум давомида барча 38 та ўйинда қатнашган ва ушбу серия 7 йил деганда якунланди.
Қаторасига 251 та ўйинда иштирок этиш — Ла Лига тарихидаги мутлақ рекорд.
Ганалик футболчи Примeра жорий мавсумида 18 та ўйин ўтказиб, бешта гол уришга эришди.
Изоҳ (0)