Рус актрисаси Нина Маслова томошабинларга машҳур фильмлардаги эпизодик роллари билан таниш. Ўткир нигоҳга эга бўлган қия бурунли актриса ҳар қандай гўзалларнинг ролини ўйнаши мумкин эди. У айниқса, “Иван Василевич касбини ўзгартиради” фильмидаги малика Марфа Василевна роли билан мухлисларининг ёдида қолди.
Машҳур режиссор Леонид Гайдай қизга эътибор қаратишидан анча олдин унинг ҳаёти эртакдан узоқ эди. Бўлажак актриса 11 ёшида онаси билан зиддиятли муносабатлари туфайли алкогол ичимликларини истеъмол қилишни бошлади ва кўп йиллар давомида уларга қарам бўлиб қолди. Бироқ актриса катта экранларга чиқиб, тақдирини ўзгартиришга муваффақ бўлди.
Ҳозирги кунда Нина Маслова 76 ёшда ва ўзига бўлган ишончи туфайли алкогол ичимликларини истеъмол қилишни тўхтатган. У ҳаёти давомида оилавий бахтни топа олмади. Фарзандсиз ва ёлғиз актриса фақатгина вақти-вақти билан рус киноси ҳақидаги телекўрсатувларда кўриниш беради.
Маълумот учун, Нина Маслова 1946 йилнинг 27 ноябрида Латвиянинг Рига шаҳрида туғилган Нина Маслова 1946 йилнинг 27 ноябрида Латвиянинг Рига шаҳрида туғилган. Онаси ажрашганидан сўнг ўгай отаси билан қолган, у билан яхши муносабатда бўлмаган Нина болалигини қийинчиликда ўтказган. У 1964-1965 йилларда Москва ирригация институтида таҳсил олган. Муҳандислик касби унга тўғри келмаслигини тушунган актриса ўқишини театр университетига кўчиради.
Шундан сўнг Нина 1965 йилдан 1967 йилгача у Москва бадиий театр мактабида таҳсил олади. Актриса “Катта ўзгариш” (қизиқувчан талаба Виктория Ивановна Коровянская роли), “Иван Василевич касбини ўзгартиради” (қиролича Марфа Василевна образи) кинокартиналаридаги роли билан томошабинларнинг қалбидан жой олган.
Изоҳ (0)