Роберт Земекис режиссорлигидаги комедик драма 1994 йилда катта экранларга чиқди. Фильм Уинстон Грумнинг 1986 йилдаги худди шу номли романи асосида суратга олинган. 20-асрнинг иккинчи ярмидаги ҳаёти қуш патидай Америка тарихидаги энг муҳим воқеаларни кезиб ўтувчи ақли заиф Форрестнинг ҳикояси томошабинларга ҳам, танқидчиларга ҳам ёқди. Фильм дунё бўйлаб 29 та мукофотга сазовор бўлган, жумладан 6 та “Оскар” ва 61 та номинация.
Бу йил фильм чиққанига 29 йил тўлади, картинада Том Хенкснинг қизи ҳам рол ўйнаганини билиб ҳайрон қолишингиз мумкин.
Том Хенкс — Форрест Гамп
Роберт Земекис билан ишлашдан олдин Том Хенкс аллақачон таниқли актёр эди: унинг фильмографиясида “Катта” (1988), “Тернер ва Ҳуч” (1989), “Филаделфия” (1993) каби фильмлардаги роллари бор эди. Сўнгги фильм актёрга “Оскар” олиб келди. Аммо Хенксни дунёга машҳур супер юлдузга айлантирган Форрест Гамп эди. Актёр сифатида унинг карераси юксала бошлади ва кейинги йилларда Хенкс ўнлаб фильмларда рол ўйнади, уларнинг аксарияти култга айланди. Жумладан, “Яшил мил” (1999), “Терминал” (2004) ёки “Да Винчи коди” (2006) ни эслаш кифоя.
2022 йил 9 июлда актёр 66 ёшга тўлди.
Майкл Коннер Хампфри — Форрест Гампнинг болалиги ролида
Майкл Коннер Хампфри кичкина Форрестни ўйнайди. Фильм чиққандан сўнг болакай фильмларда рол ўйнамай қўйди. У фақат мактаб спектаклларида иштирок этиб юрди. Хампфри бир муддат Ванкувердаги юк ташиш компаниясида қўриқчи бўлган. 2020 йилдан эса у онлайн ўқитувчи бўлиб ишлайди.
2022 йил 1 мартда актёр 37 ёшга тўлди.
Салли Филд — Гамп хоним
Салли Филд 1965 йилдан бери фильмларда рол ўйнайди. Мазкур роллари актрисага 3 та “Эмми” ва 2 та “Оскар” олиб келди. Шундай қилиб, Салли ўзининг орзу қилган биринчи ҳайкалчасини “Норма Рей” (1979) драмасидаги бош қаҳрамон роли учун, иккинчисини эса "Юракдаги жой" (1984) фильмидаги роли учун олди. Шу билан бирга, аксарият томошабинлар актрисани “Даутфайр хоним” (1993), “Форрест Гамп” (1994) ва Мей хола ролини ўйнаган “Янги ўргимчак одам” (2012) каби фильмлар орқали эслашади.
2022 йил 6 ноябрь куни актриса 76 ёшини нишонлади.
Ханна Р. Холл — Женни Карраннинг болалиги ролида
.jpg)
Ёш Ханна Р. Холл учун “Форрест Гамп”даги рол дебюти эди. Кейинчалик ҳам у фильмларда рол ўйнашни давом эттирди, асосан мустақил фильмларда ёки қисқа метражли фильмларда ўйнади. 2012 йилда Холл Лос-Анжелесда театр директори сифатида ишлай бошлади.
2022 йил 9 июлда актриса 38 ёшини нишонлади.
Робин Райт — Женни Карран
Робин Райт Форрестнинг болалигида севган ва бутун умри давомида севишда давом этган севгилиси ролини ижро этган. Ушбу драма чиқишидан олдин Райт аллақачон фильмларда ва телевизорда кучли ва асосий ролларда ўйнаган. У Keлли Капвелл ролини ўйнаган "Санта-Барбара" сериалини суратга олишда, шунингдек, бир нечта фильмларда иштирок этишга муваффақ бўлди.
“Форрест Гамп”дан кейин актриса ўндан ортиқ машҳур фильмда рол ўйнади. Улар орасида “Daxлсиз” (2000), “Беовулф” (2007), “Аждаҳо татуировкали қиз” (2011) ва бошқалар бор. Энг сўнгги роллардан бири бу "Мўъжизакор аёл" (2017) фильмидаги Антиопа генерали образи.
2022 йил 8 апрелда актриса 56 ёшга тўлди.
Гари Синиз — лейтенант Ден Тейлор ролида
“Форрест Гамп” Гари Синизни дунёга машҳур актёрга айлантирди. Бундан аввал ҳам Синиз бир нечта фильм ва телевидениеда рол ижро этган. Актёр арсеналида бир неча ўнлаб фильм ва телекўрсатувларда иштирок этиш, у “Эмми”, “Олтин глобус”, “Тони” ва бошқа мукофотлар бор. Бундан ташқари, лейтенант Дан ролининг ижрочиси кенг кўламли инсонпарварлик фаолияти ва хайрия ташкилотларидаги иштироки учун кўплаб мукофотларга сазовор бўлган.
2022 йил 17 мартда актёр 67 ёшга тўлди.
Майкелти Уильямсон — Бенжамин Бафорд Блу “Бабба”
“Форрест Гамп” фильмини суратга олишдан олдин Уильямсон кўплаб машҳур фильмларда суратга тушишга муваффақ бўлган. Аммо Бабба роли унга катта шуҳрат келтирди. Актёр "Олишув" (1995), "Қамоқ" (1997), “Белгиланган жой 4” (2009) ва бошқалар. “Форрест Гамп” фильмини суратга олиш пайтида Уильямсон пастки лаби жуда шишган бўлиши учун махсус қоплама таққан.
2022 йил 4 март куни актёр 65 ёшга тўлди.
Хейли Жоэл Осмент — кичик Форрест Гамп
Форрест Гамп ёш Хейли Жоэл Осментнинг карерасидаги биринчи фильми эди. Кастинг режиссори уни Pizza Hut реклама ролигида кўриб қолганидан сўнг ролга тасдиқлайди. "Форрест Гамп" фильмидан кейин Осментни кинога таклиф қилиш бошланди. Актёр болалигида рол ўйнаган энг машҳур картина "Олтинчи ҳис" (1999) триллери эди. Хейли Жоэл арвоҳларни кўрган бола роли учун “Оскар”га номзод бўлади. смент ҳали ҳам фильмларда рол ўйнайди.
2022 йил 10 апрелда актёр 34 ёшга тўлди.
Элизабет Энн Хенкс — мактаб автобусидаги қиз
Элизабет Энн Хенкс — Том Хенкснинг биринчи хотини Саманта Льюисдан бўлган қизи — автобусда Форрестни ёнида ўтиришига рухсат бермаган мактаб ўқувчиларидан бирини ўйнаган. “Форрест Гамп”дан кейин у деярли фильмларда рол ўйнамаган: Элизабет ҳозирда китоблар ёзади.
2022 йил 17 май куни актёрнинг қизи 40 ёшга тўлди.
Изоҳ (0)