Rus aktrisasi Nina Maslova tomoshabinlarga mashhur filmlardagi epizodik rollari bilan tanish. O‘tkir nigohga ega bo‘lgan qiya burunli aktrisa har qanday go‘zallarning rolini o‘ynashi mumkin edi. U ayniqsa, “Ivan Vasilyevich kasbini o‘zgartiradi” filmidagi malika Marfa Vasilyevna roli bilan muxlislarining yodida qoldi.
Mashhur rejissor Leonid Gayday qizga e’tibor qaratishidan ancha oldin uning hayoti ertakdan uzoq edi. Bo‘lajak aktrisa 11 yoshida onasi bilan ziddiyatli munosabatlari tufayli alkogol ichimliklarini iste’mol qilishni boshladi va ko‘p yillar davomida ularga qaram bo‘lib qoldi. Biroq aktrisa katta ekranlarga chiqib, taqdirini o‘zgartirishga muvaffaq bo‘ldi.
Hozirgi kunda Nina Maslova 76 yoshda va o‘ziga bo‘lgan ishonchi tufayli alkogol ichimliklarini iste’mol qilishni to‘xtatgan. U hayoti davomida oilaviy baxtni topa olmadi. Farzandsiz va yolg‘iz aktrisa faqatgina vaqti-vaqti bilan rus kinosi haqidagi teleko‘rsatuvlarda ko‘rinish beradi.
Ma’lumot uchun, Nina Maslova 1946-yilning 27-noyabrida Latviyaning Riga shahrida tug‘ilgan Nina Maslova 1946-yilning 27-noyabrida Latviyaning Riga shahrida tug‘ilgan. Onasi ajrashganidan so‘ng o‘gay otasi bilan qolgan, u bilan yaxshi munosabatda bo‘lmagan Nina bolaligini qiyinchilikda o‘tkazgan. U 1964-1965 yillarda Moskva irrigatsiya institutida tahsil olgan. Muhandislik kasbi unga to‘g‘ri kelmasligini tushungan aktrisa o‘qishini teatr universitetiga ko‘chiradi.
Shundan so‘ng Nina 1965-yildan 1967-yilgacha u Moskva badiiy teatr maktabida tahsil oladi. Aktrisa “Katta o‘zgarish” (qiziquvchan talaba Viktoriya Ivanovna Korovyanskaya roli), “Ivan Vasilyevich kasbini o‘zgartiradi” (qirolicha Marfa Vasilyevna obrazi) kinokartinalaridagi roli bilan tomoshabinlarning qalbidan joy olgan.
Izoh (0)